Litríkt pastasalat með karrýkjúklingi og kaldri dressingu

  , ,   

janúar 5, 2021

Þetta salat er ofureinfalt og fljótlegt. Virkilega bragðgott og fullkomið sem hádegisverður eða léttur kvöldverður. Það er svo innilega kærkomið að fá eitthvað ferskt eftir allan hátíðamatinn.

Hráefni

250g heilkorna pastaskrúfur, ég notaði frá Rapunzel

600g kjúklingalundir eða bringur, skorið í bita

1/2 krukka Thai red curry paste frá Blue dragon

1/2 rauð paprika í bitum

1 lítil grænt epli, afhýtt og skorið í bita

25 græn vínber, skorin í tvennt

1 dl ristaðar kasjúhnetur

1 dl bláber

Mango chutney dressing

1 dós Oatly hafra sýrður rjómi

2 msk mango chutney frá Pataks

Leiðbeiningar

1Byrjið á því að sjóða pastað samkvæmt leiðbeiningum.

2Skerið kjúklinginn í bita. Hitið 1 tsk af kókosolíu á pönnu og brúnið kjúklinginn. Bætið 1/2 krukku af Red curry paste út á og steikið áfram í nokkrar mínútur. Slökkvið undir og kælið að mestu.

3Skerið grænmeti og ber, ristið hnetur.

4Hrærið saman innihaldinu í sósuna og setijð til hliðar.

5Setjið salatið saman. Í stóra skál setti ég pastað fyrst, svo kjúkling, því næst papriku og ber og toppað með hnetunum. Sósuna má hafa til hliðar og hver og einn ræður magni.

Mango chutney dressing

1Setjið hafrajógúrt í skál og hrærið þar til kekkjalaust.

2Bætið við mango chutney og hrærið saman.

3Geymið í kæli.

Uppskrift frá Völlu á GRGS.

00:00

Aðrar spennandi uppskriftir

Kjúklingur í grænu karrý

Dásamlega bragðgóður og einfaldur réttur sem rífur aðeins í.

Quesadilla hringur

Fylltar tortillur með kjúkling, beikoni, tómötum, blaðlauk, salsasósu og nóg af osti. Tortillurnar mynda kramarhús og er þeim svo raðað upp í hring og bornar fram með avókadó sósu. Passar sérlega vel með ísköldum bjór eða drykk.

Kjúklingaspjót með sinnepsdressingu

Grilluð kjúklingaspjót með kaldri sósu.