Pipirrana kalt pastasalat frá Spáni

  , ,   

mars 23, 2020

  • Fyrir: 4-6

Hráefni

300 gr De Cecco ósoðnar pastaskrúfur

1-2 dósir túnfiskur (ég notaði eina en hefði alveg mátt vera meira af túnfisk)

Rúmlega 1/2 dós gular maísbaunir

1 gult epli

1/2 græn paprika

1/2 appelsínugul eða rauð paprika

10-12 stk smátómata

6-8 lengjur af Surrimi (má sleppa ef ykkur finnst það vont en gerir mjög gott bragð)

1 bolli svartar ólífur án steins

1/2 krukka fetaostur eða 1/2 fetakubbur

1/2 dl ólífuolía extra virgin

vel af salti og pipar

Ferskt timian til að sáldra yfir en má alveg sleppa (athuga ekki nota þurrkað)

Leiðbeiningar

1Byrjið á að setja vatn í pott og salta mjög vel, svo verði nánast eins og sjóvatn

2Þegar vatnið byrjar að sjóða setjið þá pastað út í og stillið á 9 mínútur suðu

3Skerið næst paprikur mjög smátt og tómatana í tvennt, surrimi í litla bita og eplið í litla ferninga

4Setjið í stóra skál skorið grænmetið, gular baunir, epli, túnfisk, surrimi, heilar ólífur og fetaost án olíunnar

5Hrærið vel saman

6Þegar pastað er soðið leyfið þá aðeins að rjúka úr því en ekki skola það neitt

7Setjið það svo út á allt í skálinni, hellið 1/2 dl extra virgin ólífuolíu út á og saltið vel og piprið

8Hrærið svo öllu vel saman. Hægt er að bera strax fram eða setja í kæli og taka með í nesti.

Uppskrift frá Maríu hjá Paz.is

00:00

Aðrar spennandi uppskriftir