Þurrefnunum blandað í skál og smjörinu nuddað saman við. Ef blandan er of þurr er hægt að bleyta örlítið í með eplasafa eða vatni. Þessu er síðan þrýst í botninn á smurðu eldföstu móti og bakað í ca 25 mín á 180. Ef þetta verður að einni samloðandi köku þarf að brjóta hana í litla bita þegar hún er farin að kólna. Komið haframulningnum fyrir í form sem bera á fram desertinn í.

Ávextirnir eru skornir bita, ekki of smáa og þeim síðan velt uppúr sultunni. Þessu er síðan komið fyrir ofan á botninum.

Rjóminn er þeyttur og blandað saman við jógúrtina sem bragðbætt hefur verið með hlynsírópi og appelsínusafa. Smakkið til og metið hvort þurfi meira jógúrt eða hlynsíróp. Ristið möndluflögur á þurri pönnu í örskamma stund. Kreminu er síðan hellt yfir ávextina og síðan skreytt með ristuðum möndluflögum og nokkrum berjum. Eftirrétturinn er látinn standa í ísskáp í 2 klst áður en hann er borinn fram.