Tagliatelline með sveppum & kjúkling

  ,

febrúar 17, 2021

Einföld og bragðgóð uppskrift, svona pasta réttur sem öllum finnst góður burt séð frá aldri. Ég hvet ykkur til að prófa.

  • Fyrir: 4

Hráefni

700-800 g kjúklingur

3 msk ólífuolía

250 g sveppir

3 hvítlauksrif

1 tsk Oscar nautakraftur

300 ml rjómi

100 ml vatn

1 tsk oreganó

1 tsk basilika

½ timían

Handfylli af ferskri steinselju

salt og pipar

300 g De Cecco tagilatelline pasta

Leiðbeiningar

1Skerið kjúklinginn í smáa bita og steikið á pönnu. Eldið kjúklinginn í 3-4 mín og setjið til hliðar.

2Skerið niður sveppi og hvítlauk og steikið á pönnu ásamt olíu.

3Steikið þangað til að sveppirnir eru orðnir brúnaðir, bætið þá útí nautakrafti, rjóma og vatni.

4Kryddunum er síðan einnig bætt saman við og saltað og piprað eftir smekk.

5Lækkið undir pönnunni og leyfið að malla á pönnunni meðan pastað er soðið.

6Setjið vatn í pott og leyfið suðunni að koma upp.

7Setjið tagliatelline pasta út í vatnið og sjóðið í u.þ.b. 10 mín eða þangað til að það hefur náð réttri áferð.

8Skolið vatnið að mestu frá pastanu með því að hella því í gegnum sigti.

9Bætið pastanu saman við meðlætið á pönnunni og veltið saman við sósuna.

10Gott er að bera fram með Parmesan osti, ferskri steinselju og hvítlauksbrauði.

Uppskrift frá Guðrúnu á Döðlur&Smjör

00:00

Aðrar spennandi uppskriftir

Dásemdar kjúklingaréttur með kókos & mango chutney sósu

Kjúklingur með chilí-hnetusmjörsósu og mangó chutney kókossósu.

Taquitos með kjúklingi & guacamole

Stökkt taquitos með mjúkri kjúklinga- og ostafyllingu borið fram með guacamole og kóríander sósu. Nammi, þetta er alltof gott!

Kjúklingavefjur með Tuc og rauðkálshrásalati

Vefja með krönsí kjúkling og rauðkáli.