Mascarpone kjúklingapasta með sólþurrkuðum tómötum og spínati

    

nóvember 11, 2015

Pastaréttur með sítrónukeim.

Hráefni

250 gr mascarpone rjómaostur við stofuhita

Hýði og safi úr einni sítrónu

1 tsk nýmalaður pipar

3-4 kjúklingabringur

1 ½ msk ólívuolía

2 hvítlauksrif

salt og pipar

1/3 bolli sólþurrkaðir tómatar, hakkaðir

1 poki spínat (250 gr)

500 gr pasta

Ferskrifinn parmesan

Leiðbeiningar

1Hrærið saman fínrifið sítrónuhýði, sítrónusafa, mascarpone og pipar í skál.

2Skerið kjúklingabringurnar í bita og steikið í ólívuolíu við miðlungsháan hita þar til þær eru eldaðar í gegn. Bætið pressuðum hvítlauksrifjum á pönnuna og steikið áfram í 1-2 mínútur. Saltið og piprið.

3Sjóðið pastað í söltu vatni eftir leiðbeiningum á pakkningu en takið það af hitanum 1-2 mínútum áður en það er tilbúið. Takið hálfan bolla af pastavatninu frá og sigtið restina af vatninu frá pastanu.

4Setjið pastað aftur í pottinn og setjið pottinn á miðlungsháan hita. Hrærið mascarpone og sítrónublöndunni saman við ásamt kjúklingnum, sólþurrkuðu tómötunum og spínatinu. Þynnið sósuna með 1/4 af pastavatninu og hrærið vel saman þar til allt er orðið vel heitt. Bætið við meira af pastavatni ef þörf er á.

5Rífið ferskan parmesan yfir áður en rétturinn er borinn fram.

Uppskrift frá Svövu á Ljúfmeti og lekkerheit.

00:00

Aðrar spennandi uppskriftir

Litríkt pastasalat með karrýkjúklingi og kaldri dressingu

Þetta salat er ofureinfalt og fljótlegt. Virkilega bragðgott og fullkomið sem hádegisverður eða léttur kvöldverður. Það er svo innilega kærkomið að fá eitthvað ferskt eftir allan hátíðamatinn.

Vegan rjómalagað pasta

Vegan rjómalagað pasta með sveppum, sólþurrkuðum tómötum og stökkum smokey kókosflögum.

Krakkapasta með kolkrabba pylsum

Þessi uppskrift er afar einföld og auðvelt að skella í, svo bara elska krakkarnir hana. Í hana þarf heldur ekki óteljandi hráefni, svo ég mæli með að þið prufið hvort sem er hversdags eða í krakkapartý sem dæmi.