Ítalskur marinara kjúklingaréttur

    

desember 8, 2015

Kjúklingaréttur sem bráðnar í munni.

Hráefni

Tómatmauk

4 msk ólífuolía frá Filippo Berio

4 skarlottulaukar, saxaðir

4 hvítlauksrif, söxuð smátt

1 dós hakkaðir tómatar frá Hunt's

2 tsk oregano

¼ tsk piparflögur

½ búnt fersk basilíka, söxuð

Kjúklingur

40 g brauðrasp

75 g parmesan ostur rifinn frá Parmareggio

70 g hveiti

2 egg, léttþeytt

8 úrbeinuð kjúklingalæri, t.d. frá Rose Poultry

4 msk ólífuolía

Mozzarellaostur, rifinn

Leiðbeiningar

1Hitið olíu á pönnu við meðalhita og léttsteikið skarlottulaukinn þar til hann er farinn að mýkjast. Bætið þá hvítlauk saman við og steikið i mínútu til viðbótar. Bætið tómötum, oregano og piparflögunum. Látið malla við vægan hita í um 10 mínútur. Bætið þá basilíku saman og við saltið og piprið að eigin smekk. Takið til hliðar og geymið.

2Blandið parmesanosti og brauðmylsnum saman í grunna skál. Hellið hveitinu á disk og látið egginn í aðra grunna skál.

3Byrjið á að dýfa kjúklinginum í hveitið, síðan í eggin og að lokum í brauðmylsnuna og látið hana hylja hann vel.

4Steikið kjúklinginn upp úr olíunni þar til hann er orðinn gylltur og bætið við olíu eftir þörfum. Setjið kjúklinginn því í ofnfast mót og hellið sósunni yfir hann. Stráið mozzarellaosti yfir allt. Setjið í 180°c heitan ofn í um 20 mínútur eða þar til kjúklingurinn er eldaður í gegn og osturinn hefur bráðnað. Berið fram með góðu salati og t.d. tagliatelle.

Uppskrift frá Berglindi á GulurRauðurGrænn&Salt.

00:00

Aðrar spennandi uppskriftir

Einfalt, fljótlegt og hrikalega gott kjúklinga pestó pastasalat

Þetta pasta salat er með því einfaldara sem hægt er að smella saman en á sama tíma algjört sælgæti og fullt af hollustu.

Kormakjúklingur

Heill kjúklingur í indverskri korma marineringu.

Tælenskur basilkjúklingur

Þessi kjúklingaréttur er í miklu uppáhaldi og gott að grípa í hann þegar manni langar í eitthvað gott en hefur ekki mikinn tíma.