Grillað lambalæri

  ,   

júní 15, 2021

Grillað lambalæri er máltíð sem klikkar seint! Hér er á ferðinni einföld útgáfa af grilluðu lambalæri og grænmeti í álpappírsvasa með kaldri grillsósu. Máltíð sem hentar fullkomlega í ferðlagið jafnt sem heima við!

Hráefni

Lambalæri

Lambalæri um 2 – 2,5 kg

Caj P grillolía Original

Tabasco Sriracha grillsósa

100 g majónes

250 g sýrður rjómi

2 msk. Tabasco Sriracha sósa (30 g)

1 msk. saxaður kóríander

½ lime (safinn)

Grænmeti í álpappírsvasa

Um 600 kartöflur

Um 300 g ferskur aspas

2-3 rauðlaukar (eftir stærð)

Ólífuolía

Salt, pipar og hvítlauksduft

Leiðbeiningar

Lambalæri

1Penslið lambalærið vel með grillolíu.

2Vefjið lærið þétt inn í álpappír og gott er að hafa að minnsta kosti tvö lög.

3Grillið á meðalheitu grilli í 1 – 1 ½ klukkustund, snúið á 20 mínútna fresti. Gott er að nota kjöthitamæli og þegar kjarnhiti sýnir á bilinu 60-70° er lærið tilbúið (fer eftir því hvernig þið viljið hafa það eldað).

4Síðustu mínúturnar má síðan taka álpappírinn af og grilla lærið á báðum hliðum stutta stund til að fá stökka húð.

5Leyfið lærinu að standa í um 15 mínútur áður en þið skerið í það.

Tabasco Sriracha grillsósa

1Pískið allt saman í skál og geymið í kæli fram að notkun.

Grænmeti

1Skerið grænmetið niður í munnstóra bita. Kartöflurnar mega þó vera í aðeins minni bitum svo eldunartími sé jafnari.

2Setjið allt í stóra skál og veltið upp úr ólífuolíu og kryddum.

3Búið til 6 álpappírsvasa úr tvöföldum álpappír.

4Skiptið grænmetinu niður og klemmið álpappírinn saman.

5Grillið við lágan hita eða á efri grindinni í um 45 mínútur. Gott er að opna reglulega einn poka og stinga í kartöflurnar, þegar þær eru mjúkar má taka grænmetið af grillinu. Það geymist vel heitt í álpappírsvasanum en nóg er að setja það á grillið þegar lærið hefur verið í um 20-30 mínútur í eldun.

Uppskrift frá Berglindi á gotteri.is

00:00

Aðrar spennandi uppskriftir

Kjúklingur á teini með guðdómlegri gyðjusósu

Grillaður kjúklingur með bragðmikilli sósu.

Nauta rib-eye með Tabasco chimichurri

Draumur sælkerans, nautakjöt með heimagerðu chimichurri sem leikur við bragðlaukanna.

Nauta tataki

Sælkeraréttur sem gaman er að bera fram sem smárétt með öðrum réttum.