Dúnamjúkir súkkulaði Oreo ostaköku kleinuhringir

  , ,   

september 1, 2020

Þessir ostaköku kleinuhringir eru þeir mýkstu sem ég hef smakkað! Áferðin á ostakökunni sjálfri er eins og silki og eitt af því sem þegar þú hefur smakkað þá er ekki möguleiki á að hætta að borða.

Hráefni

22 OREO kökur

75 g vegan smjör

450 g Oatly hafrasmurostur (PåMackan)

150 g flórsykur

1 msk kakó

1 tsk vanilludropar

75 g Oatly sýrður hafrarjómi (iMat Fraiche)

200 g vegan súkkulaði

100 ml kókosmjólk (með háu fituinnihaldi)

5 oreo kexkökur

Leiðbeiningar

1Myljið oreo kexkökurnar í blandara þangað til kexið verður að fínu mjöli, bræðið smjörið og blandið því saman við.

2Smyrjið kleinuhringjamót, skerið smjörpappír í lengjur (u.þ.b. 1 cm x 10 cm) og leggið tvær lengjur í hvert mót. Setjið kexblönduna í botninn á hverju kleinuhringja móti og setjið svo í frystinn.

3Blandið saman Oatly rjómaostinum, flórsykri, kakó, vanilludropum og Oatly sýrðum rjóma, setjið blönduna ofan á kexbotninn. Setjið aftur í frystinn.

4Skerið súkkulaðið smátt niður og setjið í skál. Hitið kókosmjólkina nánast að suðu (látið ekki sjóða), hellið mjólkinni yfir súkkulaðið og hrærið létt saman með skeið.

5Takið kleinuhringina úr mótinu á meðan þeir eru vel frosnir, gott er að toga í smjörpappírinn og nota hníf á sama tíma. Fjarlægjið smjörpappírinn og hellið súkkulaðinu yfir hvern kleinuhring, brjótið oreo kexkökurnar og skreytið kleinuhringina með þeim.

Uppskrift frá Lindu Ben.

00:00

Aðrar spennandi uppskriftir

Dumle Karamellubitar

Karamellukökubitar sem eru aðeins of djúsí, löðrandi í karamellu með smákökubita botni og þrenns konar súkkulaði, tilvalið í veislurnar.

„S‘mores brownies“

Um er að ræða útfærslu af S’mores brúnku sem ég bætti nýja uppáhalds namminu mínu við og útkoman varð algjör sprengja!

Súkkulaði- og kókoskaka án hveitis

Æðisleg kaka með kókos og súkkulaði.