IMG_8112
IMG_8112

Stökkt Thai nautakjöt í mildri chilísósu

    

nóvember 16, 2015

Frábær uppskrift af stökku Thai nautakjöti í mildri chilísósu með grænmeti.

Hráefni

350 g nautakjöt að eigin vali, t.d. mínútusteik eða nautagúllas skorið smátt

1-2 eggjahvítur (má sleppa en gerir nautakjötið enn meira stökkt)

hveiti

1 dl grænmetisolía til steikingar

1 rauð paprika, skorin í þunna strimla

1 rautt chilí, skorið í þunnar sneiðar

4 vorlaukar, skorið niður og hvíti og græni hlutinn aðskilinn

2 hvítlauksrif, pressuð

Chilísósa

2 msk hrísgrjónaedik, t.d. rice vinegar frá Blue dragon

2 msk soyasósa, t.d. frá Blue Dragon

4 msk sweet chilí sósa, t.d. frá Blue Dragon

4 msk Hunts tómatsósa

Leiðbeiningar

1Setjið eggjahvítur í skál og léttþeytið með gaffli. Dýfið kjötinu í eggjahvíturnar og veltið þeim því næst upp úr hveitinu. Hellið olíu á pönnu og leyfið henni að hitna mjög vel, setjið þá kjötið út á pönnuna og steikið þar til kjötið er orðið gyllt og stökkt. Takið kjötið úr olíunni og þerrið á eldhúsrúllu. Hellið olíunni af pönnunni, að undanskilið 1 msk.

2Setjið paprikuna, helminginn af chillí, hvíta endann af vorlauknum og hvítlauk á pönnuna. Steikið í 3 mínútur þar til grænmetið er farið að mýkjast en passið að hvítlaukurinn brenni ekki.

3Gerið sósuna með því að blanda öllum hráefnunum saman ásamt 2 msk af vatni og hellið yfir grænmetið. Leyfið að malla í 1-2 mínútur, bætið þá kjötbitunum út í og blandið vel saman.

4Berið fram með núðlum og stráið vorlauk og chilí yfir (má sleppa þessu skrefi ef þið viljið ekki hafa réttinn of sterkan).

Uppskrift frá Berglindi á GulurRauðurGrænn&Salt.

00:00

Aðrar spennandi uppskriftir

DSC06040

Heinz chilisúpa

Skólastjórasúpan svokallaða sem allir elska og einfalt er að gera.

DSC05936

Asískt kjúklingasalat

Bragðmikið kjúklingasalat með kryddjurtadressingu.