Smákökur með Cadbury mini eggjum

    

mars 5, 2021

Ef að þið elskið litlu súkkulaðieggin frá Cadburys þá munið þið elska þessar einföldu smákökur! Kökurnar renna ljúflega niður með kaldri mjólk eða rjúkandi heitu kaffi. Tilvalið til að baka um helgina með krökkunum eða bara fyrir ykkur til að njóta.

Hráefni

200 g smjör við stofuhita

1 dl púðursykur

0,3 dl sykur

2 egg

1 tsk vanilludropar

4,7 dl hveiti

1 tsk matarsódi

½ tsk salt

3 pokar Cadbury mini egg

Leiðbeiningar

1Byrjið á því að hræra saman smjör, púðursykur og sykur í hrærivél. Hrærið í nokkrar mínútur eða þar til hráefnin hafa blandast vel saman.

2Bætið eggjum og vanilludropum saman við og hrærið þar til blandan verður rjómakennd.

3Hrærið hveiti, matarsóda og salti saman við.

4Saxið 3 poka af Cadbury mini eggjum og takið smá til hliðar til að skreyta (má sleppa).

5Blandið mini eggjunum saman við deigið.

6Þekjið bökunarplötu með bökunarpappír og útbúið kúlur úr deiginu með höndunum (1 kúla = 1 ½ msk).

7Dreifið kúlunum á bökunarpappírinn og þrýstið með skeið ofan á þær (passið að hafa smá bil á milli deigsins) Skreytið með mini eggjunum.

8Bakið við 180°C með blæstri í 8-10 mínutur og njótið.

Uppskrift frá Hildi Rut.

00:00

Aðrar spennandi uppskriftir

Kirsuberja bollakökur

Einfaldar og léttar kirsuberja bollakökur með Pascual jógúrti

Hindberjakókoskaka

Hindberjadraumur með kókostopp.

Bláberja bollakökur

Gómsætar bláberja bollakökur með smjörkremi.