Mexíkanskt lasagna

    ,

júlí 10, 2020

Lasagna með mexikönskum áhrifum sem þú verður bara að prófa

Hráefni

Lasagna

600 g nautahakk (eða vegan hakk)

Ólífulía

1 laukur, smátt skorinn

2 hvítlauksrif

Chili explosion

Paprikukrydd

Salt og pipar

230 g salsa sósa (ein krukka)

De Cecco lasagna plötur

500 g kotasæla (ein stór pakkning)

250 g Philadelphia rjómaostur (ein pakkning)

4 dl rifinn cheddar ostur

1 ferskur maískólfur

1 msk smjör

1 dl stappaður fetakubbur

Cayenne pipar

Kóríander eftir smekk, smátt saxað

Avókadó salsa

2 avókadó

10 kokteiltómatar

Safi úr ½ lime

1 msk kóríander, smátt saxað

Leiðbeiningar

Lasagna

1Byrjið á því að skera laufblöðin af maískólfinum með því að skera af efsta hlutann af (þar sem hann er minnstur um sig) og flettið laufblöðunum af honum.

2Leggið maískólfinn í eldfast mót, dreifið smjörinu ofan á og bakið í 30 mínútur við 190°C. Skerið eða skafið maísinn af maískólfinum og skiptið í þrjá hluta.

3Steikið laukinn upp úr ólífuolíu við vægan hita. Þegar hann er búinn að mýkjast þá bætið þið við nautahakkinu og pressið hvítlauksrifin út í og kryddið. Hellið salsa sósunni út í og hrærið.

4Blandið saman kotasælu og rjómaosti.

5Smyrjið eldfast mót (ég notaði steypujárnspönnu) með ólífuolíu og setjið til skiptis lasagnaplötur, hakkið, ostablönduna, rifinn cheddar ost og maís. Þið ættuð að ná þremur lögum ef þið notið álíka stórt mót og ég. Ath. ekki setja maís ofan á lasagna í lokin.

6Bakið lasagnað í 20-25 mínútur við 190°C með blæstri.

7Blandið saman ⅓ af maísnum, stöppuðum fetakubbi og cayenne pipar.

Avókadó salsa

1Skerið avókadó, tómata og kóríander smátt.

2Blandið öllu saman og kreistið lime yfir.

3Þegar lasagnað er tilbúið þá toppið þið það með avókadó salsa, maís- og fetablöndunni og ferskum kóríander.

Uppskrift frá Hildi Rut á Trendnet

00:00

Aðrar spennandi uppskriftir

Humarpasta

Hér á ferðinni er ofureinfalt humarpasta sem var undursamlegt

Tagliatelline með kjúklingi & rjómapestósósu

Svo ljúffengt pasta og passar sérlega vel með hvítvíni.

Vinsæli pastarétturinn Cacio e pepe

Fljótlegur og einfaldur pastaréttur sem klikkar ekki