Kjúklingasúpa saumaklúbbsins

  ,

apríl 23, 2021

Þessi súpa er einstaklega bragðgóð og matarmikil. Uppskriftin er frekar stór og hentar þessi súpa því vel fyrir hittinga en við fjölskyldan gerum hana þó reglulega bara fyrir okkur og þá dugar hún í tvo daga.

Hráefni

1 poki Rose Poultry úrbeinuð kjúklingalæri/bringur

2-3 sætar kartöflur (eftir stærð)

2 rauðar paprikur

1 rautt ferskt chili

1 púrrulaukur

3 hvítlauksrif

2 flöskur Heinz chili sósa

400 g Philadelphia rjómaostur

700 ml rjómi

900 ml vatn

1 msk. ferskt rósmarín

1 msk. Fond kjúklingakraftur frá Oscar (fljótandi)

Karrý, salt, pipar, cheyenne pipar, kjúklingakrydd

Ólífuolía til steikingar

Leiðbeiningar

1Skerið kjúkling í bita og steikið upp úr ólífuolíu á pönnu, kryddið með kjúklingakryddi, salti og pipar, leggið til hliðar á disk á meðan annað er útbúið.

2Afhýðið sætu kartöflurnar og skerið í litla teninga.

3Skerið papriku í strimla ásamt blaðlauk og saxið bæði chili og hvítlauk.

4Steikið grænmetið upp úr ólífuolíu og karrý þar til það byrjar að mýkjast, kryddið til með salti og pipar.

5Hellið þá rjóma, rjómaosti, chilisósum og vatni saman við og blandið þar til kekkjalaust.

6Setjið sætar kartöflur, rósmarín og kjúklingakraft í pottinn og smakkið til með salti, pipar og cheyenne pipar.

7Leyfið að malla í 30-45 mínútur eða þar til kartöflurnar verða mjúkar í gegn. Hellið þá kjúklingnum saman við og hitið áfram stutta stund.

8Berið fram með góðu naan brauði.

Uppskrift frá Berglindi á gotteri.is

00:00

Aðrar spennandi uppskriftir

Kjúklingur í grænu karrý

Dásamlega bragðgóður og einfaldur réttur sem rífur aðeins í.

Quesadilla hringur

Fylltar tortillur með kjúkling, beikoni, tómötum, blaðlauk, salsasósu og nóg af osti. Tortillurnar mynda kramarhús og er þeim svo raðað upp í hring og bornar fram með avókadó sósu. Passar sérlega vel með ísköldum bjór eða drykk.

Kjúklingaspjót með sinnepsdressingu

Grilluð kjúklingaspjót með kaldri sósu.