Heilgrillaður lambahryggur og meðlæti

  , , ,   

mars 30, 2021

Þessi lambahryggur er eitthvað sem þið verðið að prófa! Að pensla hann með Caj P grillolíu og elda á útigrillinu er svakalega gott.

  • Fyrir: 6-7

Hráefni

Lambahryggur

Lambahryggur (um 2,5 kg)

Caj P Original grillolía

Lambakjötskrydd

Álbakki

Sætkartöflufranskar

3 stórar sætar kartöflur

5 msk. ólífuolía

Salt og pipar

Parmesanostur

Kóríander

Köld grillsósa

300 g sýrður rjómi

30 g Tabasco Sriracha sósa

½ lime (safinn)

1 tsk. salt

1 msk. saxað kóríander

Leiðbeiningar

Lambahryggur

1Leyfið hryggnum að standa við stofuhita í að minnsta kosti klukkustund áður en hann fer á grillið.

2Skerið í skorpuna niður með hryggnum beggja vegna og síðan á ská í báðar áttir til að olían og kryddið njóti sín sem best og skorpan verði stökk.

3Penslið allan hrygginn vel með Caj P olíunni, kryddið þar á eftir og færið yfir á álbakka.

4Grillið við óbeinan hita (um 190-200°C), við erum með 3 brennara og slökktum á miðjubrennaranum og settum hrygginn þar og pössuðum að hitinn færi ekki yfir 200°.

5Hryggurinn er tilbúinn þegar kjarnhiti sýnir um 65-70° en þessi hryggur var í klukkustund á grillinu og var alveg fullkominn, örlítið bleikur á breiðari endanum og eldaður í gegn á þeim mjórri svo allir fengu kjöt eldað eins og þeir vildu.

6Hvílið kjötið í að minnsta kosti 10 mínútur áður en þið skerið í það.

Sætkartöflufranskar

1Flysjið kartöflurnar og skerið þær langsum til helminga. Skerið þær síðan niður í mjóar lengjur/franskar (um 1 x 1 cm).

2Veltið þeim upp úr ólífuolíu og kryddi og dreifið úr á tvær bökunarskúffur með bökunarpappír.

3Bakið í 200° gráðu heitum ofni í um 25-30 mínútur eða þar til þær verða mjúkar að innan og stökkar að utan (snúið nokkrum sinnum á eldunartímanum).

4Þegar ykkur finnst þær vera tilbúnar má rífa vel af parmesanosti yfir þær og baka aftur í örfáar mínútur.

5Saxið síðan kóríander og stráið yfir þær þegar þið berið þær á borð.

Köld grillsósa

1Pískið allt saman í skál og geymið í kæli fram að notkun.

Uppskrift frá Berglindi á gotteri.is

00:00

Aðrar spennandi uppskriftir

Djúsí rjómapasta á grillinu

Rjómalagað pasta með grilluðum kjúkling.

Kjúklinga og grænmetis grillspjót

Kjúklingaspjót í sinneps-og hvítlauks kryddlegi, grænmetisspjót og dásamleg köld sinnepssósa með sætu sinnepi frá Heinz.

Grillaðar risarækjur í klístraðri hvítlauks hunangs sósu

Grillaðar risarækjur í klístraðri hvítlauks hunangs sósu sem þú átt eftir að elska!