Grilluð tikka masala kjúklingapizza

  ,   ,

nóvember 17, 2015

Hér mætast tveir gómsætir matarheimar, sá ítalski og sá indverski.

  • Fyrir: 4-5

Hráefni

700 g kjúklingalundir (ég notaði 1 poka af frystum kjúklingalundum frá Rose Poultry)

1/2 krukka Tandoori paste eða Tikka masala paste frá Patak’s

1/2 dós grísk jógúrt (eða ca. 170 g)

ca 1 1/2 msk ólífuolía

2/3 tsk salt

1 stór laukur

1/2 dós niðursoðnir tómatar (ca. 200 g)

1/2 rauð paprika

ca. 200 g rifinn mozzarella ostur

3 Naan brauð (ég notaði „garlic & coriander“ naan brauð frá Patak’s)

ólífuolía til að pensla naan brauðið

Leiðbeiningar

1Kjúklingalundirnar eru afþýddar og skornar í hæfilega stóra bita. Tandoori eða tikka masala maukið og gríska jógúrtin eru hrærð saman í skál og kjúklingnum blandað út í. Látið standa við stofuhita á meðan laukurinn er skorinn í sneiðar og paprikan skorin í fremur þunna strimla. Ólífuolía er sett á pönnu eða í pott við meðalhita og lauknum og saltinu bætt út í. Laukurinn er látinn malla við vægan hita í ca. 20-30 mínútur. Lauknum er snúið reglulega, hann á að brúnast en ekki brenna. Olíu er bætt við ef með þarf og jafnvel örlitlu vatni. Á meðan laukurinn mallar er kjúklingurinn í sósunni steiktur upp úr ólífuolíu á pönnu þar til hann er steiktur í gegn. Þá er kjúklingurinn veiddur af pönnunni en eins mikið af sósunni og hægt er, skilin eftir á pönnunni. Tómötunum er bætt út á pönnuna og þeir hrærðir vel saman við sósuna. Sósan er látin malla við meðalhita í nokkrar mínútur þar til hún hefur þykknað dálítið. Naan brauðið er smurt með ólífuolíu á báðum hliðum og sett á grillið í 2-3 mínútur á hvora hlið við góðan hita eða þar til grillrenndur eru komnar í brauðið.

2Þá er brauðið tekið af grillinu og það er smurt með sósunni. Því næst er sett dálítið af rifnum osti, þá er kjúklingnum dreift yfir, því næst lauki og papriku og endað á rifna ostinum.

3Naan-brauðið er sett aftur á grillið og slökkt undir þeim brennara sem er beint undir brauðinu en annar og/eða þriðji brennarinn stilltur á fremur háan hita. Grillinu er lokað og naan-pizzan grillað í um það bil 8-10 mínútur. Fylgast þarf með hitanum og færa bauðið til ef það fer að verða of dökkt. Njótið!

Uppskrift frá Dröfn á Eldhússögum.

00:00

Aðrar spennandi uppskriftir

Kjúklinga og grænmetis grillspjót

Kjúklingaspjót í sinneps-og hvítlauks kryddlegi, grænmetisspjót og dásamleg köld sinnepssósa með sætu sinnepi frá Heinz.

Grillaðar risarækjur í klístraðri hvítlauks hunangs sósu

Grillaðar risarækjur í klístraðri hvítlauks hunangs sósu sem þú átt eftir að elska!

Grillaðar lambakórónur

Lambakjöt í Caj P marineringu klikkar ekki.