Rjómalöguð sveppasósa með svörtum kantarellum sem passar fullkomlega við hreindýrið. Sósan passar einnig með hvaða öðru kjöti sem er.
Uppskrift
Hráefni
Leiðbeiningar
Vinnið þurrkuðu sveppina eftir leiðbeiningum á boxi og skerið svo smátt ásamt ferskum sveppum.
Bræðið 25 gr smjör á pönnu og merjið 1 geiralausan hvítlauk
Steikjið bæði þurrkaða og ferska sveppi upp úr smjörinu og saltið með ½ tsk af borðsalti þar til þeir eru vel brúnir
Setjið þá marða hvítlaukinn út á og slökkvið undir pönnuni. Hafið áfram á heitri hellunni og hrærið vel saman og leggið svo hliðar
Bræðið 50 gr smjör í potti og setjið svo hveitið út á og hrærið vel þar til verður að smjörbollu, hrærið í 1 mínútu og hellið volgu vatninu smátt og smátt út á meðan hrært er vel í á meðan þykknar í glansandi silkimjúkan jafning
Bætið næst púðursykri, rifsberjahlaupi, villikrafti, sveppateningum, 1/2 tsk borðsalti, pipar, villijurtum og duftinu úr rauðvínssúpunni út á og hrærið öllu vel saman þar til teningar eru full leystir upp
Setjið þá mjólk, rjóma og rjómaost út á og hrærið vel saman og setjið sósulit út í þannig sósan verði fallega brún
Setjið svo alla sveppi út í sósuna og hrærið vel þar til suða kemur upp og lækkið þá undir
Leyfið sósunni að sjóða í lágmark 30 mínútur eða lengur
Smakkið til og saltið og piprið ef þarf
Þessi sósa hentar með hvaða kjöti sem er, en gott er þá að skipta kraftinum út, t.d lambakraftur með lambakjöti eða svínakraft með svínakjöti.