Vatnsdeigslengjur með kaffirjóma

    

febrúar 9, 2021

Nú skulið þið halda ykkur fast því þessar bollur voru GUÐDÓMLEGAR! Ég var búin að gleyma hversu brjálæðislega gott Toffifee nammið er!

  • Fyrir: 15-18

Hráefni

Vatnsdeigslengjur

180 g smjör

360 ml vatn

200 g hveiti

1 tsk. lyftiduft

¼ tsk. salt

3-4 egg (160 g)

Fylling

600 ml rjómi

2 msk. flórsykur

15 g fínmalað instant kaffiduft

125 g saxað Toffifee (1 pakki)

Súkkulaðiglassúr og skraut

100 g brætt smjör

210 g flórsykur

2 msk. Cadbury bökunarkakó

2 tsk. vanilludropar

3 msk. uppáhellt kaffi

Toffifee (15-18 stk)

Leiðbeiningar

Vatnsdeigslengjur

1Hitið ofninn í 180°C.

2Hrærið saman hveiti, lyftidufti og salti í skál og geymið.

3Hitið saman vatn og smjör í potti þar til smjörið er bráðið og blandan vel heit og takið þá af hellunni.

4Hellið hveitiblöndunni saman við smjörblönduna og hrærið/vefjið saman við með sleif þar til allir kekkir eru horfnir og blandan losnar auðveldlega frá köntum pottsins.

5Flytjið blönduna yfir í hrærivélarskálina og hrærið á lægsta hraða með K-inu og leyfið hitanum þannig að rjúka aðeins úr blöndunni.

6Pískið eggin saman í skál og setjið þau saman við í litlum skömmtum og skafið niður á milli. Best er að vigta blönduna því egg eru misstór og nota aðeins 160 g henni til þess að deigið verði ekki of þunnt.

7Setjið deigið í sprautupoka með um 1,5 cm breiðum stút og sprautið um 15 cm lengjur á bökunarpappír með gott bil á milli. Athugið að þær munu stækka og breikka alveg um helming í ofninum svo ekki hafa áhyggjur þó þær virðist „mjóar og langar“ þegar þið sprautið þeim á.

8Bakið í 27-30 mínútur, lengjurnar eiga að vera orðnar vel gylltar og botninn líka, ekki opna þó ofninn fyrr en í fyrsta lagi eftir 25 mínútur til að kíkja undir eina.

Fylling

1Þeytið saman rjóma, flórsykur og instant kaffiduft.

2Vefjið söxuðu Toffifee saman við og fyllið lengjurnar með kaffirjóma.

Súkkulaðiglassúr og skraut

1Hrærið saman brætt smjör, flórsykur, bökunarkakó, vanilludropa og kaffi þar til slétt og falleg súkkulaðibráð hefur myndast.

2Smyrjið súkkulaðiglassúr á lengjurnar og skreytið með Toffifee og brúðarslöri.

Uppskrift frá Berglindi á Gotterí.

00:00

Aðrar spennandi uppskriftir

Einföld skúffukaka

Góð skúffukaka er algjör klassík! Það má síðan sannarlega skreyta hana eftir tilefni og nú þegar Hrekkjavakan nálgast var gaman að leika sér með beinagrindahlaup og Oreo til að búa til „mold“ yfir kremið.

Tyrkisk Peber nammibitar

Þessir nammibitar eru himneskir. Rice krispies, Dumle karamellur, Tyrkisk Peber soft and salty og Milka rjómasúkkulaði - ó vá þetta getur ekki klikkað! Þeir slóu algjörlega í gegn hjá þeim sem smökkuðu. Hentar vel að útbúa bitana með fyrirvara og geyma í frystinum. Mæli mikið með!

Vegan New York ostakaka með jarðarberjum

Af því að ostakökur eru hreinlega bestar varð ég að gera vegan útgáfu af New York ostaköku. Þær eru gjarnan bakaðar en ég vildi þó hafa þessa hráa og bera fram með jarðarberjum....