Vatnsdeigsbolla með OREO fyllingu

    

febrúar 5, 2021

Bolla með rjómaosta fyllingu sem kætir bragðlaukana.

Hráefni

Skotheldar vatnsdeigsbollur

100 g smjör

2 dl vatn

2 dl hveiti

2 egg

OREO fylling

5 dl rjómi, þeyttur

1 box Philadelphia rjómaostur

1 dl púðursykur

1 tsk vanillusykur

10 Oreo kex, mulin

Glassúr

200 g Milka mjólkursúkkulaði

2 msk síróp

2 msk rjómi

Leiðbeiningar

Skotheldar vatnsdeigsbollur

1Látið smjör og vatn saman í pott hitið þar til blandan er byrjuð að sjóða. Takið þá pottinn af hellunni og bætið hveiti saman við og hrærið þar til myndast hefur deigkúla.

2Setjið deigið í hrærivél og stillið á minnsta hraðann, svo mesti hitinn fari úr deiginu. Látið eggin saman í skál á meðan og léttþeytið. Hellið þeim svo smám saman út í deigblönduna á lágum hraða.

3Notið 2 matskeiðar til að móta ca. 8-10 bollur. Látið á ofnplötu með smjörpappír og setjið inn í ofn á 180°C á blæstri í 20-25 mínútur og opnið ekki ofninn fyrr en að þeim tíma liðnum svo bollurnar falli ekki.

OREO fylling

1Setjið rjóma, rjómaost, púðursykur og vanillu saman í skál og hrærið varlega saman þar til blandan er orðin létt í sér.

2Bætið muldu Oreo kexinu saman við með sleif.

3Setjið fyllinguna í bolluna.

Glassúr

1Bræðið allt saman í potti. Látið kólna aðeins og setjið yfir bollurnar.

Uppskrift frá Berglindi GRGS.

00:00

Aðrar spennandi uppskriftir

Dumle Karamellubitar

Karamellukökubitar sem eru aðeins of djúsí, löðrandi í karamellu með smákökubita botni og þrenns konar súkkulaði, tilvalið í veislurnar.

„S‘mores brownies“

Um er að ræða útfærslu af S’mores brúnku sem ég bætti nýja uppáhalds namminu mínu við og útkoman varð algjör sprengja!

Súkkulaði- og kókoskaka án hveitis

Æðisleg kaka með kókos og súkkulaði.