Byrjið á að þerra tófúið léttilega, skera það í teninga og steikja í olíu (það þarf minni olíu ef notuð er panna sem ekkert festist á). Bætið svo hvítlauk og kryddum útá og steikið í nokkrar mínútur og blandið vel við kryddin.

Næst er sósan útbúin með því að setja allt sem á að vera í sósunni saman í blender! Ef blenderinn er lítill er hægt að gera hana í skömmtum því allt blandast svo saman í pottinum.

Hellið sósunni útá tófúið og leyfið að malla í um 10 mínútur. Bætið svo restinni af kryddum og jógúrtinni útí og leyfið að malla í nokkrar mínútur í viðbót.

Berið fram með hrísgrjónum og jafnvel vegan naan brauði með hvítlauksolíu.