Ljúffenga humarsúpan sem er einfaldari en þig grunar

  ,   

október 16, 2019

Þessi humarsúpa er einstaklega bragðgóð, kraftmikil og silkimjúk.

Hráefni

1 stk blaðlaukur, miðju hlutinn

3 stk gulrætur

1 stk sellerístilkur

2 stk rauðar paprikur

1-2 stk hvítlauksgeiri (einn stór, annars tveir)

1 ½ msk tómatmauk frá Heinz

1 ½ tsk madras karrý frá Pataks

3 msk fljótandi humarkraftur frá Oscar

1 ½ msk fiskikraftur frá Oscar

1 líter vatn

400 ml dós kókosmjólk frá Blue Dragon

2 dl hvítvín

250 ml rjómi

u.þ.b. 800 g skelflettur humar

Salt og pipar

250 ml þeyttur rjómi

Fersk steinselja

Leiðbeiningar

1Skerið allt grænmetið niður fyrir utan hvítlaukinn, setjið olíu í stóran pott og steikið grænmetið á meðal hita þar til það er farið að mýkjast. Skerið þá niður hvítlaukinn og bætið honum út á ásamt karrý og tómatmauki. Bætið vatninu, kókosmjólkinni og hvítvíninu í pottinn og maukið grænmetið saman við með töfrasprota. Látið sjóða.

2Þegar súpan hefyr soðið saman rólega í u.þ.b. 5 mín bætið þá kraftinum saman við og haldið áfram að sjóða í nokrar mín.

3Bætið því næst út í rjómanum og hitið að suðu. Setjið humarinn út í súpuna, passið að láta súpuna ekki sjóða eftir að humarinn hefur verið settur út í. Smakkið til með salti og pipar.

4Berið fram með þeyttum rjóma og ferskri steinselju.

Uppskrift frá Lindu Ben.

00:00

Aðrar spennandi uppskriftir

Ljúffengar og fljótlegar fiskibollur

Sælkera fiskibollur með TUC kexi og mangósósu.

Steikt hrísgrjón með risarækjum og tómatchilímauki

Girnilegur risarækjuréttur með spicy bragði.

Einfaldi laxinn sem matvandir elska

Grillaður lax með asísku ívafi.