Litlar ostafylltar brauðbollur

  , ,   

maí 17, 2021

Gómsætar fylltar brauðbollur með rjómaosti og sesamblöndu, fullkomið með ísköldum bjór sem snakk eða forréttur.

Hráefni

430 g smjördeig, frosið (6 plötur)

5-6 dl rifinn cheddar ostur

1 Philadelphia rjómaostur með graslauk

6 vorlaukar

1-2 egg

Sesamblanda (eða kaupa tilbúið út í búð)

3 msk ljós sesamfræ

3 msk svört sesamfræ

1 tsk laukduft

1 tsk hvítlauksduft

1 tsk salt

Leiðbeiningar

1Byrjið á því að afþýða deigið.

2Skerið vorlaukinn smátt og blandið saman í skál við rjómaost og ca. 3 dl rifinn cheddar ost. Hrærið vel saman með skeið.

3Notið teskeið og hendurnar til að útbúa litlar kúlur úr rjómaostablöndunni og geymið á smjörpappír eða disk.

4Fletjið út smjördeig þar til það verður í kringum 26×15 cm. Skerið deigið í sex þríhyrninga.

5Dreifið 1 msk af rifnum cheddar osti yfir deigið, þjappið og brjótið saman (sjá á mynd).

6Setjið litlu ostakúlurnar í miðjuna á deiginu og pakkið þeim inn. Myndið litlar kúlur úr deiginu og passið að loka ostafyllinguna alveg inni. Mér finnst gott að dýfa puttunum og nota til þess að loka alveg deiginu.

7Blandið saman í sesamblönduna og hellið á disk. Pískið egg í skál.

8Dýfið bollunum í eggin og svo sesamblönduna.

9Að lokum dreifið bollunum á bökunarplötu þakta bökunarpappír og bakið í 12-20 mínútur. Fyllingin og osturinn gæti lekið aðeins úr bollunum en það gerir þær ekkert verri.

10Njótið!

Uppskrift að 36 litlum brauðbollum. Uppskrift frá Hildi Rut.

00:00

Aðrar spennandi uppskriftir

Mangó lassi með ástaraldin og elsku Oatly

Langar þig í nýtt bragð? Bragðbættu hreinu hafragúrtina frá Oatly með mangó og ástaraldin.

Morgunverðar burrito

Þetta er ótrúlega góð blanda sem þið verðið að smakka! Þetta er ekta til að bera fram í sunnudagsbrönsinum eða bara einfaldlega sem kvöldmatur eða hádegismatur.

Sítrónu- og bláberjamuffins

Hér koma sykurlausar og sumarlegar sítrónu og bláberja muffins. Fullkomnar í nestisboxið á leikjanámskeiðið eða bara með kaffinu.