Geggjaðar brunchlokur

  ,   

september 24, 2020

Týpísk og klassísk innihaldsefni sem einfaldlega klikkar ekki, egg, beikon, cheddar ostur og silkimjúkt graslauksmajónes sem toppar þetta allt svo bragðlaukarnir dansa af gleði.

Hráefni

Hráefni

4 hamborgarabrauð (ég notaði kartöflubrauð og hægt er að nota líka brioche brauð)

7 egg

2 msk rjómi

salt og pipar

c.a 300 gr beikon +

4 cheddar ostasneiðar

lambhagakál í potti

3 stk bufftómatar

Sósan

2 dl Heinz majónes

1/2 tsk sítrónusafi úr ferskri sítrónu (helst ekki úr belg)

1/2 tsk grófmalaður svartur pipar

1/2 tsk fínt borðsalt

2 msk ferskur graslaukur smátt klipptur

Leiðbeiningar

1Byrjið á að gera sósuna með því að hræra öllum innihaldsefnum vel saman og klippa niður graslaukinn ofan í og hræra

2Hitið svo ofninn á 200 C°og setjið beikon á bökunarplötu með bökunarpappír á, mér finnst mjög gott að krulla það með því að snúa sitthvorn endanum í öfuga átt og strá svo púðursykri yfir það en því má sleppa. Eldið í ofni þar til beikonið er stökkt og djúpur litur kominn á það

3Gerið eggjahræru á meðan með því að hræra saman eggjunum, rjómanum og salta og pipra

4Mér fannst gott að hræra sem minnst í hrærunni og gera svona millistig af ommelettu og eggjahræru sem ég skar svo í 4 sneiðar til að setja á hvert brauð

5Setjið nú brunchlokuna saman með því að setja graslauksmajónes á botninn, svo kemur Cheddar sneið, kálblað, tómatur, eggjahræra og beikon efst ofan á

6Smyrjið nú lokið af brauðinu líka vel með graslauksmajó og setjið í ofn við 180 C°í eins og 3-5 mínútur eða þar til osturinn er aðeins bráðinn

Punktar

1Fyrir krakkana myndi ég bara skella góðri tómatssósu á brunchlokuna enda margir krakkar ekkert mikið fyrir majónes sósur eða flókna rétti.

Uppskrift frá Maríu á Paz.is

00:00

Aðrar spennandi uppskriftir

Litlar ostafylltar brauðbollur

Gómsætar fylltar brauðbollur með rjómaosti og sesamblöndu, fullkomið með ísköldum bjór sem snakk eða forréttur.

French toast með ferskum berjum

Hér kemur uppskrift að french toast með ferskum berjum, hlynsírópi og rjómaostablöndu. Geggjuð blanda og kjörið til að útbúa fyrir brönsinn.

Marengs í krukku með Dumle

Ofureinfaldur eftirréttur sem auðvelt er að græja með stuttum fyrirvara