Bragðmikil sætkartöflusúpa með hvítlauk og límónu

  , ,

júlí 13, 2020

Hún er vegan og lífræn og hentar vel þeim sem eru með einhvers konar óþol. Ég mauka hana með töfrasprota en það er óþarfi ef hann er ekki til á heimilinu.

Hráefni

1 stór sæt kartafla*

1l. vatn

1 laukur*

1 lítill blaðlaukur án græna hlutans*

2 hvítlauksrif*

1 lítil rauð paprika*

1 msk grænmetiskraftur frá Rapunzel

Safi úr 1/2 límónu

Himalayasalt og svartur pipar eftir smekk

1 tsk cummin

1/2 tsk chiliduft

200ml Oatly imat hafra matreiðslurjómi

Fersk steinselja ef vill

*Lífrænt grænmeti - gott úrval í Nettó og Krónunni t.d

Leiðbeiningar

1Byrjið á því að skera sætu kartöfluna í litla bita og saxa rest af grænmetinu. Sjóðið sætu kartöfluna í ca. 15 mín.

2Steikið grænmetið upp úr kókosolíunni á vægum hita.

3Þegar sætkartöfluteningarnir eru orðnir ágætlega mjúkir hellið mestu vatninu af pottinum og setjið hann aftur á helluna. Bætið steikta grænmetinu út í pottinn og hellið vatni og kryddi saman við.

4Sjóðið á vægum hita þar til grænmetið er orðið vel soðið. Ef þið eruð ekki í tímaþröng mæli ég með að láta hana malla lengur.

5Bætið við kryddum og salti ef ykkur þykir þess þurfa.

6Maukið súpuna með töfrasprota og hellið svo hafrarjómanum saman við. Leyfið súpunni að hitna að suðumarki en látið ekki sjóða eftir að rjóminn er kominn út í.

7Berið fram með góðu brauði og pestói t.d.

Uppskrift frá GRGS.

00:00

Aðrar spennandi uppskriftir

Lífrænt hrökkbrauð

Einfalt lífrænt hrökkbrauð sem allir geta gert heima.

Granóla bitar með möndlusmjöri

Lífrænt ræktaðir og gómsætir granóla bitar með höfrum, kókosflögum, möndlum, chia fræjum, hlynsýrópi, kókos- og möndlusmjör með döðlum og toppað með súkkulaði.

Lífrænt ræktað granóla með kókos og möndlusmjöri

Einfalt granóla sem er lífrænt og vegan.