Bökuð Brownie Turtle ostakaka

  

júní 26, 2020

Afar einföld brownie ostakaka sem er best köld

Hráefni

Brownie botn

115 gr smjör

115 gr suðusúkkulaði

150 gr sykur

50 gr púðursykur

2 egg

1 tsk vanilludropar

1/2 tsk salt

45 gr hveiti

10 gr bökunarkakó (ég notaðist við Cadbury)

Ostakakan

450 gr Philadelphia Original rjómaostur

2 egg

115 gr sykur

1 tsk vanilludropar

Súkkulaðibráð og ofan á

60 gr suðusúkkulaði

60 gr rjómi

Lófafylli af pekanhnetum

50 gr smátt skorið suðusúkkulaði eða súkkulaðidropar

Leiðbeiningar

Brownie botn

1Byrjið á að hita ofn á 180 C°blástur

2Bræðið súkkulaði og smjör saman í potti við miðlungsháan hita og hrærið stöðugt í á meðan svo brenni ekki

3Setjið svo í hrærivélarskál og kælið í 10 mín

4Þegar hefur kólnað í þessar 10 mín hrærið þá sykrinum öllum út í súkkulaðið með písk

5Bætið nú 1 eggi út í í einu og hrærið með písk áfram bara létt saman

6Sigtið næst hveiti og kakó út í blönduna og setið salt og vanilludropa saman við

7Hrærið eins lítið saman og hægt er í handþeytara eða með písk svo kakan verði ekki seig en bara rétt þannig að hráefnin blandist saman

8Smyrjið kringótt bökunarmót sem er 23-24 cm í þvermál og hellið deiginu ofan í

Ostakakan

1Setjið ostinn í skál og hrærið hann upp með handþeytara

2Bætið svo sykri, eggjum og vanilludropum saman við og þeytið þar til allt er blandað saman og orðið frauðkennt og ljóst

3Hellið svo blöndunni yfir brownie blönduna og setjið í ofninn í 30 mínútur við 180 C°, lækkið svo niður í 165 C°og hafið í 15 mínútur í viðbót

4Gott er að gera súkkulaðibráðina á meðan 15 mínútur eru eftir

Súkkulaðibráð

1Brjótið 60 gr suðusúkkulaði ofan í skál

2Hitið svo rjómann upp að suðu

3Hellið honum svo beint út á súkkulaðið í skálinni og látið standa stutta stund

4Hrærið svo vel saman með gaffli eða písk þar til það er orðið þykkt og silkimjúkt og leggjið til hliðar

5Skerið í pínulitla ferninga 50 gr af suðusúkkulaði og brjótið pekanhneturnar smátt milli fingranna

6Hellið svo súllulaðibráðinni yfir kökuna þegar hún hefur aðeins kólnað og dreifið hnetunum og smátt skorna súkkulaðinu yfir og kælið

Kakan er best köld og því finnst mér gott að vera búin að kæla hana í nokkrar klukkustundir áður en hún er borin fram eða jafnvel gera hana kvöldinu áður, en hún er sko ekki síðri daginn eftir.

Uppskrift frá Maríu hjá Paz.is

00:00

Aðrar spennandi uppskriftir

Einföld appelsínukaka

Stundum þurfa góðar kökur bara alls ekki að vera flóknar né tímafrekar í gerð. Fólk er að koma í kaffi og þig langar kannski að vippa einhverju fram á mettíma? Þessi er án dýraafurða og hentar því vel þeim sem eru vegan eða óþol fyrir eggjum eða mjólk.

Bollakökur með Daim

Bollakökurnar innihalda daim og kremið inniheldur rjómaost og brætt Daim. Sannkölluð Daim bomba!

Jarðaberjabaka með karamellufylltu súkkulaði

Ég mæli með að útbúa hana í bústaðarferðunum í sumar þar sem hún er svo einföld.