Vegan mini pavlovur með karamellu, þeyttum hafrarjóma og berjum

  ,   ,

júní 21, 2021

Hvort sem þú velur að sneiða hjá dýraafurðum eða ert með ofnæmi eða óþol þá eru þessar vegan pavlovur svarið við marengs ástinni. Þær eru léttar, stökkar og Oatly hafrarjóminn gerir þær svo djúsí. Með ferskum berjum og vegan karamellusósu er þetta hinn fullkomni sumareftirréttur.

Hráefni

Vökvi úr einni dós af kjúklingabaunum, ég notaði frá Rapunzel

1/2 bolli flórsykur eða fínt malaður hrásykur

1/2 tsk sítrónusafi

1/4 tsk cream of tartar

1 peli Oatly visp þeytirjómi

1 msk flórsykur

1/2 tsk sítrónusafi

Ber eftir smekk

Karamellusósa eftir smekk, sjá uppskrift

Vegan karamellusósa - sú allra besta

200g cristallino hrásykur frá Rapunzel

90g vegan smjör eða smjörlíki

1/2 bolli Oatly visp þeytirjómi

Sjávarsalt á hnífsoddi

Leiðbeiningar

1Sigtið safann úr dósinni og setjið í hrærivélaskál. Byrjið að þeyta safann og þegar hann er byrjaður að freyða vel byrjið þá að bæta við sykrinum, 1 msk í einu. Setjið cream of tartar og sítrónusafa saman við og haldið áfram að hræra. Þeytið marengsinn samtals í 8-10 mín. Það er mjög mikilvægt að þeyta hann svona lengi svo hann leki ekki.

2Setjið marengsinn á plötu með skeið í því formi sem þið kjósið, passið að hafa gott bil á milli því hann stækkar og rennur aðeins út. Mínar kökur voru um það bil 8 cm í þvermál.

3Bakið við blástur á 110°C í 2 klst. Látið kólna í ofninum yfir nótt ef mögulegt er. Hann verður stökkari þannig.

4Útbúið karamellusósuna og setjið í krukku og geymið.

5Það er alls ekki verra ef það er gott freyðivín og sól með en má sleppa!

6Setjið pacvlovuna saman: Leggið marengs á disk, þar ofan á kemur Oatly rjóminn, dreifið karamellunni yfir og raðið berjum ofan á.

Vegan karamellusósa

1Bræðið sykurinn í þykkbotna potti, fylgist með allan tímann og hrærið varlega á meðan sykurinn bráðnar.

2Þegar sykurinn er bráðinn og orðinn gylltur bætið þið við vegan smjörinu og hrærið rösklega.

3Þegar smjörið er bráðnað saman við hrærið þið rjómanum út í ásamt saltinu. Hrærið með písk.

4Setjið í hreina krukku og kælið alveg.

5Gott er að gera þetta með góðum fyrirvara svo karamellan nái að stífna í tæka tíð. Geymist vel í kæli og gott að nota á allskonar!

Uppskrift frá Völlu GRGS.

00:00

Aðrar spennandi uppskriftir

Oreo marengsbomba

Geggjuð marengsbomba með Oreo crumbs, Daim og nóg af ferskum berjum. Oreo crumbs er algjör snilld í bakstur og gerir marengsinn extra gómsætan.

Epla crostate með sítrónurjómaosti og Dumle karamellum

Crostata er ítölsk baka eða pie, hér er það með sítrónurjómaosta og Dumle karamellu fyllingu

Ostakaka með rabbabarasósu, hafrakexi & hvítu toblerone

Rababarinn er eitt merki þess að haustið nálgast og mikil nostalgía fólgin í því að týna rababara og gæða sér á honum, jafnvel með smá sykri. Svo er hann dásamlegur í sultugerð, kökur og eftirrétti eins og þennan sem er ofureinfaldur í gerð og bragðast ó-svo-vel!