Vegan gulrótarköku muffins með pekanhnetum

    

júní 21, 2021

Þessar muffins eru ótrúlega auðveldar og þægilegar. Þær eru vegan og henta því einnig mörgum með ofnæmi eða óþol. Það er hægt að frysta þær og taka út eftir þörfum og skella í nestisboxið. Í þeim eru pekanhnetur en það má skipta þeim út fyrir aðrar hnetur eða hreinlega bara sleppa þeim.

Hráefni

2 bollar hveiti, má vera aðeins rúmlegt

1 bolli hrásykur, ég notaði Cristallino frá Rapunzel

3 tsk lyftiduft

1 tsk salt

3 tsk kanill

1 tsk engifer

1/2 tsk múskat

2 bollar fínt rifnar gulrætur

1 bolli Oatly haframjólk eða önnur jurtamjólk

1 dós Oatly sýrður rjómi

1 msk eplaedik

1/2 bolli saxaðar pekanhnetur, smá skipta út fyrir aðra tegund af hnetum eða sleppa alveg

Leiðbeiningar

1Byrjið á því að rífa niður gulræturnar og hita ofninn í 180°C

2Setjið öll þurrefni í skál og hrærið í með sleif. Blandið haframjólk, sýrða rjómanum, olíunni og edikinu saman við og hrærið í með sleifinni. Bætið gulrótunum og hnetunum saman við.

3Raðið muffins formum í muffins bakka, fyllið formin að 3/4. Deigið ætti að duga í 16-18 kökur.

4Bakið kökurnar í 25 mín ca. Kælið á grind.

5Þessar frystast vel og gott að taka þær út eftir þörfum, fullkomnar í nestið og lautarferðina!

Uppskrift frá Völlu GRGS.

00:00

Aðrar spennandi uppskriftir

Oreo marengsbomba

Geggjuð marengsbomba með Oreo crumbs, Daim og nóg af ferskum berjum. Oreo crumbs er algjör snilld í bakstur og gerir marengsinn extra gómsætan.

Epla crostate með sítrónurjómaosti og Dumle karamellum

Crostata er ítölsk baka eða pie, hér er það með sítrónurjómaosta og Dumle karamellu fyllingu

Ostakaka með rabbabarasósu, hafrakexi & hvítu toblerone

Rababarinn er eitt merki þess að haustið nálgast og mikil nostalgía fólgin í því að týna rababara og gæða sér á honum, jafnvel með smá sykri. Svo er hann dásamlegur í sultugerð, kökur og eftirrétti eins og þennan sem er ofureinfaldur í gerð og bragðast ó-svo-vel!