Tikka masala vefjur

  ,   

september 1, 2020

Hér kemur uppskrift að vefjum með osti og kjúklingi í Tikka masala sósu bornar fram með sætkartöflufrönskum, mango chutney sósu og fersku salati.

Hráefni

4 kjúklingabringur (líka gott að nota grænmeti t.d. blómkál og brokkólí)

1 krukka Tikka masala sósa frá Pataks

Ólífuolía

Salt & pipar

Rifinn mozzarella ostur

Philadelphia rjómaostur

Missioni tortillur með grillrönd

Sætkartöflufranskar

1 sæt kartafla

1-2 msk Madras paste frá Pataks

2 msk ólífuolía

Mangó chutney sósa

1 dl sýrður rjómi

1 dl Heinz majónes

3-4 msk Mango chutney frá Pataks

1 msk safi úr sítrónu

Salt & pipar

Ferskt salat

1 dl agúrka

1 dl rauðlaukur

Spínat eftir smekk

Salatdressing (má sleppa, en mæli samt með!)

1 msk ólífuolía

1 msk safi úr ferskri sítrónu

Salt & pipar

Garam masala krydd

1 msk ferskur kóríander, smátt skorinn

Leiðbeiningar

1Skerið kjúklinginn í litla bita. Steikið hann upp úr ólífuolíu og saltið og piprið. Blandið Tikka masala sósunni saman við kjúklinginn og hrærið.

2Smyrjið tortillurnar með rjómaosti, stráið mozzarella osti yfir og dreifið kjúklingnum ofan á. Gott að dreifa öllu á annan endann á tortillunni, brjóta hana saman eins og umslag og rúlla henni upp.

3Raðið vefjunum í eldfast form og penslið þær með ólífuolíu. Bakið í ofni í 10 mínútur við 190°C á blæstri.

4Skerið tortillurnar í tvennt og berið fram með salatinu, sósunni og sætkartöflufrönskunum.

Sætkartöflufranskar

1Skerið kartöfluna í strimla. Veltið þeim uppúr Madras paste, salti, pipar og ólífuolíu.

2Bakið í elföstu móti í 30-40 mínútur við 190°C. Mæli með að hræra aðeins í á meðan þetta bakast. Mango chutney sósan passar svo sérlega vel með frönskunum.

Ferskt salat

1Skerið gúrku, rauðlauk og spínat smátt. Blandið öllu saman í skál.

2Hrærið saman ólífuolíu, safa úr sítrónu, kryddi og ferskum kóríander og blandið saman við salatið.

Mangó chutney sósa

1Blandið öllu hráefninu saman með skeið.

Uppskrift frá Hildi Rut.

00:00

Aðrar spennandi uppskriftir

Djúsí rjómapasta á grillinu

Rjómalagað pasta með grilluðum kjúkling

Fylltar krönsí kjúklingabringur með chili og sítrónu

Gómsæt og haustleg uppskrift, fylltar kjúklingabringur með rjómaosti, chili og sítrónu bornar fram með kartöflubátum og hvítlaukssósu.

Marakóskur kjúklingaréttur með blönduðu grænmeti

Þessi marakóski kjúklingaréttur er litríkur, fallegur og hreinlega leikur við bragðlaukana.