Spaghetti carbonara með parmaskinku

    

september 30, 2019

Einfalt og gott pasta með parmaskinku og parmesanosti.

  • Undirbúningur: 10 mín
  • Eldun: 20 mín
  • 10 mín

    20 mín

    30 mín

Hráefni

150 g Gran Brianza Parmaskinka

100 g Parmareggio parmesan ostur

3 stór egg

350 g spaghetti

3 hvítlauksrif

50 g smjör

sjávarsalt og pipar

Leiðbeiningar

1Skerið parmaskinkuna í bita.

2Fínrífið parmesan ostinn.

3Léttþeytið eggin saman í skál og bætið svörtum pipar saman við.

4Hitið vatn að suðu og bætið 1 tsk af salti útí.

5Sjóðið spaghetti þar til það er eldað

6Takið hýðið af hvítlauknum og kremjið með hnífsblaði.

7Hitið 50 g af smjöri á pönnu og látið parmaskinkuna og hvítlaukinn saman við. Steikið á lágum hita í um 5 mínútur og hrærið reglulega.

8Takið eldað spaghetti og látið á pönnuna með hvítlauknum og parmaskinkunni.

9Látið meirihlutann af rifnum parmesan saman við eggin og hrærið.

10Takið hitann af pönnunni og hellið eggjablöndunni saman við. Lyftið pastanu upp með töngum og blandið þannig varlega saman við eggin. Þetta þarf að gera varlega og ekki má vera hiti undir pönnunni því annars verða eggin að eggjahræru.

11Bætið nokkrum matskeiðum af pastavatninu saman við.

12Setjið pasta á disk og stráið rifnum osti og svörum pipar saman við.

Uppskrift frá GRGS.

00:00

Aðrar spennandi uppskriftir

Tagliatelline með kjúklingi & rjómapestósósu

Svo ljúffengt pasta og passar sérlega vel með hvítvíni.

Mexíkanskt lasagna

Lasagna með mexikönskum áhrifum sem þú verður bara að prófa

Vinsæli pastarétturinn Cacio e pepe

Fljótlegur og einfaldur pastaréttur sem klikkar ekki