Risarækjur með tómata- og pestósósu

    

desember 14, 2020

Þessi réttur er virkilega fljótlegur (tekur ca 15 mín að útbúa) og það setja humarkraftinn útí sósuna færir sósuna á það stig að það yrði enginn ósáttur við að fá þennan rétt á veitingastað.

  • Fyrir: 2

Hráefni

ca 400 gr risarækjur

3 msk olía

200 gr kokteiltómatar

5 sneiðar sólþurrkaðir tómatar skorið í teninga

2 hvítlauksrif

1 skarlottulaukur

100 ml hvítvín

1 msk rautt pestó (Philipo Berio)

1 msk fljótandi humarkraftur frá Oscars

200 ml rjómi

fersk basilika, ca 10 blöð

rifinn parmesan (hver og einn setur yfir)

salt og pipar

Leiðbeiningar

1Steikið rækjurnar uppúr 2 msk af olíu á heitri pönnu. Takið af og látið til hliðar

2Steikið því næst saxaðan hvítlauk, skarlottulauk, kokteiltómata, sólþurrkaða tómata í ca 3 mín, hækkið vel á pönnunni og hellið hvítvíninu útá (ég notaði hvítvín sem fæst orðið í flestum búðum eins og Krónunni og Bónus - það kemur saltað og piprað og er ekki ætlað til drykkju þó það sé áfengt)

3Leyfið þessu að sjóða hressilega í um 2 mínútur eða þar til að mesta hvítvínið hefur gufað upp.

4Látið 200 ml af rjóma útá, 1 msk af pestóinu og 1 msk af fljótandi humarkrafti. Ég þurfti ekki að salta þarna en bætti við smá pipar.

5Setjið rækjurnar útá

6Sjóðið í 5 mín á vægum hita

7Skerið basilíkuna í strimla og hrærið samanvið

8Borið fram með nýbökuðu brauði sem notað er til að drekka í sig rjómasósuna og nýrifnum parmesan sem rifinn er yfir sósuna og rækjurnar þegar þær eru komnar disk hvers og eins.

Uppskrift frá Rögnu á ragna.is

00:00

Aðrar spennandi uppskriftir

Bleikja með Philadelphia rjómaosti og Eat Real krönsi

Einföld bleikja með rjómaosti og krösti, bakað í ofni.

Alfredo pasta með tígrisrækjum og rjómaosti

Tígrisrækjur og penne pasta í ljúffengri Alfredo sósu er afar gómsæt blanda og passar sérlega vel að sötra ískalt hvítvín með.

Dýrðlegt fiski Tacos með Habanero sósu

Þetta er afar auðveld uppskrift, það þarf einungis að steikja fiskinn sem er velt upp úr blöndu af panko raspi og parmesan og guð hvað það er gott.