Nautakjöt í teriyaki og ostrusósu

    

maí 4, 2020

Það er alveg ótrúlega auðvelt að græja sér góðan asískan mat heima.

Hráefni

650g magurt nautakjöt (mínútusteik)

1/2 græn paprika

1/2 rauð paprika

1 brokkolí haus lítill

1 grænn chili

1 flaska Oyster sauce frá Blue dragon

1 poki Teriyaki sósa frá Blue dragon

1 msk maizena mjöl

2 msk sojasósa

1 msk hrísgrjónaedik frá Blue dragon

2 msk vatn

2 msk sesamolía, ég notaði frá Rapunzel

Leiðbeiningar

1Byrjið á því að skera nautakjötið í þunna strimla þvert á línurnar í kjötinu.

2Skerið paprikurnar í strimla, chili í sneiðar og brokkolí í bita.

3Setjið kjötið í skál og setjið sojasósu, hrísgrjónaedik og maizena yfir kjötið og blandið saman. Látið bíða á meðan þið skerið grænmetið.

4Hitið 1 msk af sesamolíu á wokpönnu (eða bara venjulega) og hitið þar til fer að rjúka úr olíunni. Setjið nautakjötið út á og steikið í 2-3 mín. Takið kjötið af pönnunni og sigtið vökvann frá og geymið aðeins.

5Setjið aðra msk af sesamolíu á pönnuna og hitið vel, setjið grænmetið út á og steikið í 3 mín.

6Bætið kjötinu aftur út í ásamt teriyaki sósu og ostrusósu. Bætið vatni út í og steikið áfram í 3-4 mín.

7Berið fram með hrísgrjónum.

Uppskrift frá GRGS.

00:00

Aðrar spennandi uppskriftir

Grillaðar lambakórónur

Lambakjöt í Caj P marineringu klikkar ekki.