Maarud kjúklingaréttur með rösti, beikon og löðrandi í ostum

  

mars 23, 2020

Þessi réttur er bara blanda af því besta, tilvalin partýréttur, í saumaklúbbinn eða sem helgarréttur fyrir fjölskylduna

Hráefni

1 bréf beikon (bara svona frekar lítið en þið ráðið hversu mikið þið viljið)

500 gr Aviko Rösti kartöflur

3x kjúklingabringur

1 dós sveppasúpa

1 bolli rifinn Mozzarella

1 bolli rifinn Cheddar

30 gr rifinn parmesan

1 bolli rjómi

1/2 bolli brætt smjör

1/2 bolli sýrður rjómi

1 tsk chiliflögur

10-15 dropar Tabasco® sósa

1 tsk borðsalt

1/2 tsk laukduft

1/2 tsk hvítlauksduft (ath ekki hvílaukssalt)

1/2 tsk svartur pipar

Ofan á:

Maarud flögur með salti og pipar

50 gr rifinn parmesan

1 tsk paprikuduft

Leiðbeiningar

1Hér þurfið þið stóra skál

2Hitið ofninn á 210 C°blástur

3Afþýðið rösti kartöflurnar (ef það hefur gleymst er í lagi að setja þær 20 sek í örbylgjuofninn)

4Skerið svo bringur í smáa gúllasbita og beikon í smátt

5Brytjið rösti kartöflurnar niður í skál og setjið kjúklinginn og beikonið út á (hrátt)

6Hrærið öllu vel saman

7Takið nú aðra skál og setjið restina af hráefnunum út í hana. Sem sagt súpuna, mozzarella, cheddar, rjóma, brætt smjör, sýrðan rjóma og 30 gr parmesan ost og kryddið með chili flögum, salti, pipar, tabasco, hvítlauksdufti og laukdufti

8Hrærið þessu mjög vel saman og hellið svo út á kjúklinginn í stóru skálinni

9Hrærið öllu mjög vel saman og hellið í eldfast mót og stingið í heitan ofninn í 20 mínútur

10Takið svo út og lækkið ofn niður í 180 C°blástur

11Stráið 50 gr af parmesan yfir réttinn og myljið Maarud snakk flögur með salt og pipar yfir og kryddið með paprikuduftinu

12Stingið í ofninn í aðrar 15 mín

Punktar

1Þennan rétt er afar einfalt að gera og mæli ég með að þú eigir stórt eldfast mót undir hann eða setjir hann í tvö minni mót því þetta er frekar stór uppskrift. Ég myndi hafa þennan sem svona partý rétt fyrir saumaklúbb eða sem heitan rétt í veislu. Hann er líka hægt að hafa sem kvöldmáltíð en þá mæli ég með fersku salati og nóg af því með og jafnvel góðu nýbökuðu snittubrauði líka.

Uppskrift frá Maríu hjá Paz.is

00:00

Aðrar spennandi uppskriftir

Kjúklingur í hunangs- og sinnepsmarineringu

Bragðgóður einfaldur kjúklingaréttur með hunangs- og sinnepsmarineringu.

Kjúklinganaggar sem krakkarnir elska

Stökkir kjúklinganaggar.

Tikka Masala fiðrilda kjúklingur

Þvílíki lúxusinn sem það er að geta gripið í tilbúnar sósur og kryddmauk og henda í gúrm indverskan sem eldar sig eiginlega bara sjálfur!