Granóla með hlynsírópi og pekanhnetum

maí 17, 2021

Að gera sitt eigið granóla er ótrúlega auðvelt og að sjálfsögðu alltaf miklu betra en það sem við kaupum í búðinni. Það er hægt að leika sér með innihald, taka eitthvað út og bæta í ef maður er með góðan grunn. Þessi uppskrift er auðveld en auk þess er hún vegan og lífræn.

Hráefni

1/4 bolli kókosolía bragðlaus frá Rapunzel

1/2 bolli hlynsíróp frá Rapunzel

1/4 bolli hafrahveiti (haframjöl malað í matvinnsluvél)

2 bollar grófvalsaðir hafrar frá Rapunzel

1 bolli blönduð fræ að eigin vali (ég notaði sólblóma og sesamfræ frá Rapunzel)

1/2 bolli pekanhnetur

1 msk kanill

1/2 tsk sjávarsalt

Leiðbeiningar

1Hitið ofninn í 150°C

2Bræðið kókosolíu og hlynsíróp saman í litlum potti

3Blandið saman í stórri skál: Hafrahveiti, haframjöli, fræjum, hnetum og kanil

4Hellið olíu/sírópsblöndunni yfir og blandið saman með sleif

5Dreifið blöndunni jafnt á bökunarpappír og bakið í 45 -50 mín og hrærið í 2x á þeim tíma.

6Takið útúr ofninum og dreifið sjávarsaltinu strax yfir.

Uppskrift frá Völlu á GRGS.

loka

00:00

Aðrar spennandi uppskriftir

Ofur einfaldir hollir og lífrænir frostpinnar

Hér höfum við ofur einfalda holla og lífræna frostpinnum sem slóu rækilega í gegn hjá mínum strump. Þessir safar eru æði!

Fyrir: 3 frostpinnar

Lífræn snickers stykki með dökku súkkulaði

Þessi stykki eru pökkuð af næringu og orku. Tilvalin til þess að grípa með sér í fjallgönguna eða jafnvel golfhringinn. Þau eru einföld í gerð og þarf ekki að baka.

Lífrænt hrökkbrauð

Einfalt lífrænt hrökkbrauð sem allir geta gert heima.