Gómsæt og krönsi vefja

  

mars 18, 2021

Innblásturinn að uppskriftinni er Crunchwrap sem fæst á Taco bell. Crunchwrap er stór tortilla sem er fyllt með allskonar góðgæti. Henni er svo pakkað saman í böku og steikt á pönnu.

Hráefni

600 g úrbeinuð kjúklingalæri

3 tsk chipotle mauk eða krydd

1 msk ólífuolía

½ tsk laukduft

½ tsk hvítlauksduft

1 tsk salt

¼ tsk pipar

Tortillur original frá Mission

Street tacos frá Mission

Tortilla chips frá Mission

Philadelphia rjómaostur

Rifinn cheddar ostur

Pinto baunir

Spínat

Tómatar, smátt skornir

Jalapeno úr krukku, smátt skorinn

Sósa

1 dós sýrður rjómi

Safi úr ½ lime

½ tsk hvítlauksduft

½ tsk laukduft

1-2 msk ferskt kóríander, smátt skorinn

½ tsk salt

¼ tsk pipar

Guacamole

2 avókadó

2 tómatar

2 msk rauðlaukur

Safi úr ½ lime

Chili flögur

Salt & pipar

Leiðbeiningar

1Blandið kjúklingalærunum saman við chipotle kryddið, ólífuolíu, laukduft, hvítlauksduft, salt og pipar í skál.

2Setjið kjúklinginn í eldfast mót og bakið í 30-40 mínútur við 190°C á blæstri eða þar til kjúklingurinn er fulleldaður.

3Rífið kjúklinginn smátt með tveimur göfflum. Blandið rifna kjúklingnum vel saman við vökvann og kryddblönduna.

4Dreifið ólífuolíu yfir street tacos og bakið við 190°C þar til þær verða stökkar. Fylgist vel með þeim þannig að þær brenna ekki.

5Blandið saman í sósuna með skeið og guacamole í töfrasprota eða stappið öllu saman.

Samsetning

1Byrjið á því að fylla hverja og eina tortillu. Smyrjið rjómaosti og dreifið 1-2 msk af rifnum cheddar osti í miðjuna. Dreifið 1 dl kjúklingi og smátt skornum jalapeno eftir smekk.

2Leggið eina stökka street taco tortillu ofan á og smyrjið 1 msk af sósunni yfir.

3Því næst dreifið þið ½ dl af pinto baunum, 1-2 msk smátt skornum tómati og spínati eftir smekk.

4Myljið tortilla chips yfir og dreifið 1-2 msk rifnum cheddar osti.

5Í lokin leggið þið mjúka Street taco tortillu ofan á og lokið stórtu tortillunni með því að brjóta hana saman.

6Steikið vefjurnar á vægum hita upp úr ólífuolíu þar til þær verða stökkar.

7Berið fram með guacamole og sósunni eða því sem hugurinn girnist. Njótið.

Auka punktar

1Mæli með einni vefju á mann (inniheldur eina stóra tortillu og tvær street taco. Magn fyllingar fyrir hverja tortillu stendur í aðferð)

Uppskrift frá Hildi Rut á trendnet.is

00:00

Aðrar spennandi uppskriftir

Kjúklingur í grænu karrý

Dásamlega bragðgóður og einfaldur réttur sem rífur aðeins í.

Quesadilla hringur

Fylltar tortillur með kjúkling, beikoni, tómötum, blaðlauk, salsasósu og nóg af osti. Tortillurnar mynda kramarhús og er þeim svo raðað upp í hring og bornar fram með avókadó sósu. Passar sérlega vel með ísköldum bjór eða drykk.

Kjúklingaspjót með sinnepsdressingu

Grilluð kjúklingaspjót með kaldri sósu.