Fylltir bananar á grillið

  

júní 29, 2020

Stökkir sykurpúðar og Oreokex í bland við volgan banana, bráðið súkkulaði og ber…..namm!

Hráefni

4 bananar (meðalstórir)

100 g Milka Daim súkkulaði

Litlir sykurpúðar

Oreo Crumbs með kremi

Driscolls jarðaber

Driscolls bláber

Driscolls hindber

Leiðbeiningar

1Skerið endana af banönunum og því næst vasa í þá miðja eftir endilöngu. Fjarlægið síðan þann hluta af banananum (þetta um 1/5 af honum) og fyllið með Milka súkkulaði og sykurpúðum (ég kom 5 Milka bitum í hvern banana og nokkrum sykurpúðum).

2Útbúið nokkurs konar hreiður úr álpappír og komið banananum fyrir ofan á því (sjá mynd).

3Grillið á meðalheitu grilli í nokkrar mínútur eða þar til sykurpúðarnir fá á sig dökkan hjúp og súkkulaðið er bráðið.

4Stráið Oreo crumbs yfir hvern banana ásamt berjum.

Uppskrift frá Berglindi á gotteri.is

00:00

Aðrar spennandi uppskriftir

Lambaspjót með trufflukremi

Sælkeralamb með sveppum og trufflukremi.

Grillað lambalæri

Grillað lambalæri er máltíð sem klikkar seint! Hér er á ferðinni einföld útgáfa af grilluðu lambalæri og grænmeti í álpappírsvasa með kaldri grillsósu. Máltíð sem hentar fullkomlega í ferðlagið jafnt sem heima við!

Eplapanna á grillið

Girnilegt epla pæ í pönnu á grillið eða í ofninn, toppað með Dumle karamellum.