Dúnmjúkar kanilbollur með dökku súkkulaði

    

nóvember 16, 2020

Þessar bollur eru alveg dásamlegar. Svo góðar nýbakaðar og ylvolgar. Ég mæli með því að prófa að setja bara smjör á þær eða eitthvað af þessum dásamlegu kremum sem fást frá Rapunzel.

Hráefni

1 1/4 bolli lífræn haframjólk frá Oatly

15g þurrger

3 1/2 bolli lífrænt hveiti

1/2 tsk salt

1/2 bolli rapadura hrásykur frá Rapunzel

2 tsk kanill

1 egg lífrænt + 1 egg til þess að pensla með

1/4 bolli fljótandi kókosolía

160g 70% súkkulaði frá Rapunzel, eða 2 plötur saxaðar

Leiðbeiningar

1Hitið haframjólkina upp í 37°C. Setjið gerið út í og hrærið aðeins. Látið bíða í 5 mín eða þangað til það fer að freyða.

2Setjið öll þurrefni saman í hrærivélaskál og hrærið með króknum

3Setjið mjólkina ásamt geri saman við, kókosolíu og egg og hrærið þar til deigið er aðeins farið að loða saman. Setjið þá súkkulaðið saman við og látið vélina vinna í 5 mín á rólegum hraða.

4Takið krókinn af, hnoðið deigið í kúlu og setjið aftur í skálina og plastfilmu yfir.

5Látið hefast í 45 mín.

6Mótið 12-14 bollur og setjið á ofnplötu klædda bökunarpappír.

7Hitið ofninn í 45°C og úðið vel að innan með vatni. Úðið yfir bollurnar og setjið þær í ofninn og látið hefast í ofninum í 20 mín.

8Takið plötuna útúr ofninum og stillið hann á 200°C, þeytið egg með gaffli og penslið yfir bollurnar á meðan ofninn er að hitna.

9Bakið bollurnar í 10-15 mín eða þar til þær eru orðnar vel gylltar.

Uppskrift frá GRGS.

00:00

Aðrar spennandi uppskriftir

Milka Brownies

Einföld og bragðgóð Milka súkkulaði brownie kaka.

Karamellumarengs

Það er fátt betra en púðursykurmarengs að mínu mati! Hvað þá þegar búið er að toppa slíka tertu með ljúffengri karamellu í allar áttir, namm þessi er sko B O B A eins og Bubbi myndi segja það!

Gómsæt Dumle mús

Hér kemur ofur einfaldur og mjög ljúffengur eftirréttur. Músin hefur aðeins fjögur innihaldsefni og tekur litla stund að útbúa.