Dirt Cup mjólkurhristingur

  

desember 30, 2020

Þetta er í raun lúxus útgáfa af Oreo sjeik ef svo mætti að orði komast svo ef þið elskið Oreo….þá munið þið elska þennan drykk!

  • Fyrir: 3-4

Hráefni

1 líter vanilluís

8 Oreo kexkökur

150 g Driscolls jarðarber

3 msk. jarðarberja-íssósa

50-80 ml nýmjólk

Þykk súkkulaðisósa til skrauts

200 ml þeyttur rjómi

Trolli hlaupormar

Leiðbeiningar

1Byrjið á því að mylja Oreokex alveg niður í duft í blandaranum og geymið í skál.

2Maukið næst jarðarberin í sama blandara og setjið í aðra skál.

3Setjið síðan ís, jarðarberjasósu, jarðarberjamauk og mestallt Oreo duftið (geymið smá til skrauts) í hrærivélarskálina. Blandið saman með K-inu á lágum hraða þar til fer að blandast, bætið þá mjólkinni saman við og setjið á bilinu 50-80 ml eftir því hversu þykkan þið viljið hafa sjeikinn.

4Sprautið þykkri súkkulaði íssósu innan á glös og skiptið sjeiknum niður í þau (uppskrift dugar í 3-4 glös eftir stærð).

5Toppið síðan með þeyttum rjóma, Oreodufti („Dirt“) og hlaupormum.

Uppskrift frá Berglindi á gotteri.is

00:00

Aðrar spennandi uppskriftir

OREO ís

Einfaldur OREO ís sem öll fjölskyldan elskar.

Heitur eplamulningur með hvítu súkkulaði

Einfaldur eftirréttur sem tekur stutta stunda að gera, allt í eitt eldfast mót.

Karamellu marengskökur

Litlar karamellu marengskökur sem bræða hjartað.