Bragðgóð og matarmikil mexíkósk súpa

  ,   

apríl 20, 2020

Fljótleg, bragðmikil og matarmikil súpa sem er án kjöts en stútfull af próteinum og öðrum næringarefnum sem gera okkur hraust og geislandi af heilbrigði.

Hráefni

2 msk Filippo Berio ólífu olía

1 rauðlaukur

3-4 hvítlauksgeirar

1 msk malað chili krydd

1 msk cumin krydd

2 dósir niðursoðnir tómatar

1 flaska Heinz chili tómatsósa

1 l vatn

2 msk fljótandi kjúklingakraftur frá Oscar

1 dós gular baunir

1 dós svartar baunir

1 dós nýrnabaunir

2 dl rjómi

Rifinn ostur

Maís snakk flögur (má sleppa)

Ferskt kóríander (má sleppa)

Leiðbeiningar

1Skerið rauðlaukinn niður og steikið upp úr ólífu olíu, þegar laukurinn er orðinn steiktur í gegn, rífið þá niður hvítlaukinn og bætið á pönnuna. Því næst setjiði kryddin á pönnuna og steikið létt.

2Ef tómatarnir eru heilir, skerið þá niður og bætið á pönnuna. Bætið svo Heinz Chili tómatsósunni á pönnuna. Leyfið að malla í nokkrar mín.

3Bætið vatni á pönnuna ásamt kjúklingakraftinum.

4Skolið allar baunir og bætið út í súpuna. Leyfið að malla í nokkrar mín (því lengur því betra).

5Þegar súpan hefur fengið að malla þá bætiði rjómanum út í og náið suðunni upp aftur.

6Berið súpuna fram með rifnum osti, maís snakkflögum og fersku kóríander.

Uppskrift frá Lindu Ben.

00:00

Aðrar spennandi uppskriftir

Ferskir maískólfar með rjómaostablöndu

Sumarlegt, gott og passar sérlega vel með grillmatnum.

Spicy Tófú spjót

Hér kemur æðisleg grill uppskrift, Tófú spjót og sósa með.