Bananasplitt ostakaka

  ,   ,

apríl 3, 2020

Þessi páskalega og guðdómlega góða ostakaka leit dagsins ljós í þessum súkkulaði og bananatilraunum svo hér er sko sannarlega komin uppskrift fyrir ostakökuunnendur að prófa!

Hráefni

Botn

1 pk Lu Bastogne Duo kex (260 g)

50 g smjör

Fylling

4 gelatínblöð

60 ml vatn

500 g Philadelphia rjómaostur við stofuhita

160 g sykur

2 msk. Cadbury bökunarkakó

1 tsk. vanillusykur

100 g brætt Toblerone

100 g brætt suðusúkkulaði

250 ml þeyttur rjómi

1 þroskaður banani (stappaður)

120 g Cadbury Mini Eggs (gróft söxuð)

Skraut

Cadbury Mini Eggs

Fersk blóm

Leiðbeiningar

Botn

1Myljið kexið í matvinnsluvél, bræðið smjörið og hrærið saman.

2Setjið bökunarpappír í botninn á smelluformi sem er um 20 cm í þvermál og þjappið kexmylsnunni jafnt yfir botninn.

3Kælið í að minnsta kosti klukkustund á meðan annað er útbúið.

Fylling

1Leggið gelatínblöðið í bleyti í köldu vatni í nokkrar mínútur.

2Hitið 60 ml af vatni að suðu og vindið gelatínblöðin saman við, eitt í einu og hrærið í á milli. Hellið blöndunni í skál og hvílið á meðan annað er útbúið (blandan þarf að ná stofuhita).

3Bræðið saman Toblerone og suðusúkkulaði, leggið til hliðar.

4Þeytið rjómaost og sykur vel í í hrærivélinni og skafið nokkrum sinnum niður á milli.

5Bætið þá bökunarkakó og vanillusykri saman við og hrærið þar til slétt blanda hefur myndast.

6Næst má hella gelatínblöndunni saman við í mjórri bunu og því næst brædda súkkulaðinu og hræra rólega þar til jafn litur er kominn á blönduna.

7Að lokum má vefja þeyttum rjóma, stöppuðum banana og söxuðum súkkulaðieggjum saman við blönduna.

8Hellið fyllingunni yfir kexbotninn, plastið og kælið í að minnsta kosti 4 klukkustundir, eða yfir nótt.

9Skerið með rökum hníf meðfram kökunni áður en þið smellið rammanum frá forminu og færið kökuna með spaða yfir á fallegan kökudisk og skreytið.

Uppskrift frá Gotterí og gersemar.

00:00

Aðrar spennandi uppskriftir

Súkkulaði ostakaka með krönsi

Ríkt bragð af Toblerone súkkulaði með Oreo Crumbs í kökunni og Oreo kexi í botninum, toppað með rjóma! Held ég þurfi ekki að reyna að selja þetta neitt mikið frekar…..

Marmarakaka með besta súkkulaði kreminu

Marmarakaka með besta súkkulaði kreminu er svo góð kaka, svolítið þétt og alls ekki of sæt.

Dumle karamellubitar

Mjúkir bakaðir karamellubitar.