fbpx

Vegan New York ostakaka með jarðarberjum

Af því að ostakökur eru hreinlega bestar varð ég að gera vegan útgáfu af New York ostaköku. Þær eru gjarnan bakaðar en ég vildi þó hafa þessa hráa. New York ostakökurnar frægu eru í grunninn vanillufylling á stökkum kexbotni sem ber keim af kanil. Yfir hana er gjarnan hellt jarðarberjasósu og borin fram með jarðarberjum. Ég tók mér smá skáldaleyfi með þessa en fullyrði að þessi er eins sú allra besta sem ég hef smakkað. Vegan eða ekki. Botninn er heimagert hafrakex og það er auðvitað vegan líka. Uppskriftin af kexinu er frekar stór en það kemur ekki að sök þar sem það er fljótt að hverfa ofan í heimilisfólk. Fyllingin samanstendur af kasjúhnetum sem lagðar voru í bleyti og Oatly tyrkneska jógúrtinu en mér finnst það henta sérlega vel í tertur eins og þessa. Fyllingin er frekar mjúk og heldur sér ágætlega en ég bera hana samt hálffrosna. Ef þið viljið hafa hana stífari mæli ég með að setja 1 tsk af agar agar dufti í fyllinguna. Jarðarberjasósuna er hægt að frysta með kökunni eða setja hana yfir eftir á, hvorutveggja er alveg ljómandi.

Magn1 skammturRating
sýna aðeins uppskrift

Uppskrift

Hráefni

Ostakaka: Fylling
 2 bollar kasjúhnetur sem lagðar hafa verið í bleyti yfir nótt.
 1 bolli Oatly tyrkneskt jógúrt
 1/3 bolli hlynsíróp
 3 msk kókosolía bragðlaus, við stofuhita
 1 msk sítrónusafi
 1 tsk vanilludropar
 1/2 tsk himalayasalt
 1/2 tsk vanillukorn frá Rapunzel
Ostakaka: Kexbotn
 130g hafrakex kælt
 1/2 tsk kanill
 2 tsk rapadura hrásykur
 50g vegan smjör mjúkt, ég notaði Rapunzel
Vegan hafrakex
 3/4 bolli Rapadura hrásykur
 1 bolli hveiti
 3/4 bolli vegan smjör mjúkt, ég notaði frá Rapunzel
 1 tsk lyftiduft
 1 tsk matarsódi
 1 og 1/3 bolli haframjöl fínt
 1 msk haframjólk
 3/4 tsk himalayasalt
Jarðaberjasósa
 200g frosin jarðarber
 2 msk hlynsíróp

Leiðbeiningar

Ostakaka
1

Byrjið á því að setja kasjúhnetur í bleyti daginn áður. Það er hægt að sleppa þessu skrefi og láta þær liggja í sjóðandi vatni í 30 mín.

2

Bakið kexið í botninn samkvæmt uppskrift og kælið.

3

Setjið innihaldsefni í botninn í matvinnsluvel og vinnið smátt. Þrýstið í botninn á 20cm smelluformi sem hefur verið klædd bökunarpappír. Kælið.

4

Útbúið fyllinguna með því að setja öll innihaldsefni í kraftmikinn blandara. Vinnið þar til algjörlega kekkjalaust. Takið kexbotninn úr kæli og hellið fyllingunni yfir. Sléttið yfirborðið og setjið í frysti.

5

Útbúið jarðarberjasósuna með því að sjóða saman berin og hlynsírópið. Þegar berin eru soðin og farin að maukast, látið mesta hitann rjúka úr og maukið í matvinnsluvél eða með töfrasprota. Hérna getið þið sett sósuna í krukku og geymt þar til kakan er borin fram eða sett hana strax yfir fyllinguna og fryst með kökunni.

6

Takið kökuna úr frysti með 20 mín fyrirvara, berið fram með ferskum jarðarberjum og ef til vill meiru af sósunni.

Vegan hafrakex
7

Hnoðið öllu saman í skál, fletið út á bökunarpappír með kökukefli (notið smá hveiti til að það festist ekki við keflið), setjið bökunarpappírinn með deiginu á ofnplötu, skerið í deigið með pizzahjóli til að móta fyrir kexkökum ef vill. Bakið við 180°C í 20 mín eða þar til kexið verður gyllt. Leyfið kexinu að kólna alveg áður en það er notað í botninn.

Jarðaberjasósa
8

Setjið ber ásamt sírópi í lítinn pott. Sjóðið saman við vægan hita þar til berin eru orðin mjúk í gegn og farin að maukast aðeins. Látið mesta hitann rjúka úr og setjið í matvinnsluvél og maukið.


Uppskrift eftir Völlu á GRGS.is

Matreiðsla, MatargerðMerking,

DeilaTístaVista

Hráefni

Ostakaka: Fylling
 2 bollar kasjúhnetur sem lagðar hafa verið í bleyti yfir nótt.
 1 bolli Oatly tyrkneskt jógúrt
 1/3 bolli hlynsíróp
 3 msk kókosolía bragðlaus, við stofuhita
 1 msk sítrónusafi
 1 tsk vanilludropar
 1/2 tsk himalayasalt
 1/2 tsk vanillukorn frá Rapunzel
Ostakaka: Kexbotn
 130g hafrakex kælt
 1/2 tsk kanill
 2 tsk rapadura hrásykur
 50g vegan smjör mjúkt, ég notaði Rapunzel
Vegan hafrakex
 3/4 bolli Rapadura hrásykur
 1 bolli hveiti
 3/4 bolli vegan smjör mjúkt, ég notaði frá Rapunzel
 1 tsk lyftiduft
 1 tsk matarsódi
 1 og 1/3 bolli haframjöl fínt
 1 msk haframjólk
 3/4 tsk himalayasalt
Jarðaberjasósa
 200g frosin jarðarber
 2 msk hlynsíróp

Leiðbeiningar

Ostakaka
1

Byrjið á því að setja kasjúhnetur í bleyti daginn áður. Það er hægt að sleppa þessu skrefi og láta þær liggja í sjóðandi vatni í 30 mín.

2

Bakið kexið í botninn samkvæmt uppskrift og kælið.

3

Setjið innihaldsefni í botninn í matvinnsluvel og vinnið smátt. Þrýstið í botninn á 20cm smelluformi sem hefur verið klædd bökunarpappír. Kælið.

4

Útbúið fyllinguna með því að setja öll innihaldsefni í kraftmikinn blandara. Vinnið þar til algjörlega kekkjalaust. Takið kexbotninn úr kæli og hellið fyllingunni yfir. Sléttið yfirborðið og setjið í frysti.

5

Útbúið jarðarberjasósuna með því að sjóða saman berin og hlynsírópið. Þegar berin eru soðin og farin að maukast, látið mesta hitann rjúka úr og maukið í matvinnsluvél eða með töfrasprota. Hérna getið þið sett sósuna í krukku og geymt þar til kakan er borin fram eða sett hana strax yfir fyllinguna og fryst með kökunni.

6

Takið kökuna úr frysti með 20 mín fyrirvara, berið fram með ferskum jarðarberjum og ef til vill meiru af sósunni.

Vegan hafrakex
7

Hnoðið öllu saman í skál, fletið út á bökunarpappír með kökukefli (notið smá hveiti til að það festist ekki við keflið), setjið bökunarpappírinn með deiginu á ofnplötu, skerið í deigið með pizzahjóli til að móta fyrir kexkökum ef vill. Bakið við 180°C í 20 mín eða þar til kexið verður gyllt. Leyfið kexinu að kólna alveg áður en það er notað í botninn.

Jarðaberjasósa
8

Setjið ber ásamt sírópi í lítinn pott. Sjóðið saman við vægan hita þar til berin eru orðin mjúk í gegn og farin að maukast aðeins. Látið mesta hitann rjúka úr og setjið í matvinnsluvél og maukið.

Vegan New York ostakaka með jarðarberjum

Aðrar spennandi uppskriftir

MYNDBAND
PáskasmákökurÞessar eru æði! Ekki nóg með það að vera fullar af mini eggs þá eru þær líka fylltar með súkkulaðismjöri…