Tígrisrækjur í krönsi með avókadó dill sósu
Fiskréttir, Sjávarréttir Mexíkóskt
desember 1, 2020
Uppskrift að afar góðum tígrisrækjum í snakk krönsi sem eru bornar fram með avókadó sósu með dilli og sýrðum rjóma.
Leiðbeiningar
1Setjið snakkið í poka og rúllið yfir með kökukefli svo það verði að mulningi.
2Veltið tígrisrækjunum upp úr ólífuolíu og kryddið með salti og pipar. Næst veltið þeim upp úr speltinu, egginu og að lokum snakkinu. Mér finnst gott að nota tangir.
3Dreifið rækjunum í eldfast form þöktu bökunarpappír og spreyið þær með Pam spreyi eða dreifið ólífuolíu yfir þær.
4Bakið í ca 5-6 mínútur við 200°C eða þar til þær eru orðnar stökkar að utan.
5Á meðan rækjurnar bakast þá útbúið þið sósuna. Blandið saman avókadó, sýrðum rjóma, safa úr lime, dilli, salti og pipar með töfrasprota. En það er einnig hægt að stappa saman avókadó, saxa dill smátt og hræra saman við hin hráefnin.
6Stráið fersku dilli yfir rækjurnar og berið fram með sósunni. Njótið!
Uppskrift frá Hildi Rut.
Aðrar spennandi uppskriftir
Ofnbökuð langa með krösti í rjómaostasósu
Í þessum rétti notaði ég löngu og bakaði hana í ofni ásamt dásamlegri rjómaostasósu með sólþurrkuðum tómötum, sveppum, parmesan osti, rjóma og spínati. Punkturinn yfir i-ið var að dreifa Eat real snakki með dill bragði yfir réttinn þannig að hann varð stökkur og góður.
Risarækjur með tómata- og pestósósu
Þessi réttur er virkilega fljótlegur (tekur ca 15 mín að útbúa) og það setja humarkraftinn útí sósuna færir sósuna á það stig að það yrði enginn ósáttur við að fá þennan rétt á veitingastað.
Geggjaður burrito með marineraðri bleikju, fetaosti og grjónum
Vefjur eða Burrito þurfa ekki alltaf að innihalda hakk eða kjúkling. Hér höfum við marineraða bleikju í sterkum kryddlegi sem gerir þennan Burrito svo góðan.