OREO terta

  ,   

mars 5, 2021

Það er eitthvað við Oreo sem erfitt er að standast. Það er eins og það verði einhvern veginn allt gott sem það er sett í hvort sem það er mjólkurhristingur, súkkulaðimús, ostakaka eða hvað. Þessi kaka er blaut í sér og kremið guðdómlegt. Hægt er að baka og frysta botnana með fyrirvara og hræra krem og skreyta deginum áður, kakan geymist vel í kæli svona kremhjúpuð.

Hráefni

Botnar

240 g hveiti

350 g sykur

90 g Cadburys bökunarkakó

2 tsk. matarsódi

1 tsk. salt

250 ml súrmjólk

150 ml matarolía

4 egg

250 ml heitt vatn

1 tsk. vanilludropar

Krem

18 x Oreo kexkökur

250 g smjör við stofuhita

150 g Philadelphia rjómaostur við stofuhita

900 g flórsykur

4 msk. rjómi

2 tsk. vanillusykur

Ganaché

100 g saxað suðusúkkulaði

60 ml rjómi

Skraut

8 x Oreo kexkökur

Oreo smjörkrem

Leiðbeiningar

Botnar

1Hrærið saman öllum þurrefnum í eina skál og leggið til hliðar.

2Pískið eggin og blandið súrmjólk, olíu, vanilludropum og vatni saman við.

3Hellið vökvanum varlega saman við þurrefnin, hrærið og skafið niður á milli (deigið er þunnt).

4Takið til 4 x 15 cm smelluform, setjið bökunarpappír í botninn og spreyið vel með matarolíuspreyi.

5Skiptið deiginu jafnt á milli formanna og bakið í um 25-35 mínútur eða þar til prjónn kemur út með smá kökumylsnu á en ekki blautu deigi.

6Kælið alveg og skerið svo ofan af botnunum svo þeir verði alveg sléttir og kælið þá.

Krem

1Setjið Oreokex í matvinnsluvél/blandara og myljið niður í duft, geymið.

2Þeytið smjör og rjómaost saman í nokkrar mínútur, skafið niður á milli.

3Bætið flórsykri, rjóma og vanillusykri saman við í nokkrum skömmtum og skafið vel niður.

4Setjið um 2/3 Oreo mylsnunnar í kremið og blandið vel (geymið restina til skrauts)

5Smyrjið um 1 cm þykki lagi af kremi á milli botnanna og hjúpið með örþunnu lagi, kælið í um 15 mínútur.

6Setjið nú seinna kremlagið á og það má vera um ½ - 1 cm á þykkt, sléttið úr eins og best verður á kosið.

7Setjið Oreomylsnu neðst á kökuna með lófanum og þjappið laust að, hreinsið umfram mylsnu burt.

8Kælið kökuna aftur í um 15 mínútur og setjið því næst ganaché á toppinn (sjá uppskrift að neðan).

Ganaché

1Hitið rjómann að suðu og hellið yfir súkkulaðið.

2Pískið saman þar til allt súkkulaðið er bráðið, hrærið þar til byrjar aðeins að þykkna og hellið óreglulega yfir toppinn í nokkrum skömmtum, ýtið örlitlu magni fram af brúninni með kökuspaða, kælið í um 15 mínútur áður en þið skreytið.

Skraut

1Stingið Oreokexi létt ofan í súkkulaðitoppinn með jöfnu millibili allan hringinn.

2Sprautið smjörkremstoppa, til dæmis með stút 2D frá Wilton og fyllið upp í bilið á milli kexanna. Geymið kökuna í kæli fram að notkun.

Uppskrift frá Berglindi á Gotterí.

00:00

Aðrar spennandi uppskriftir

Dumle Karamellubitar

Karamellukökubitar sem eru aðeins of djúsí, löðrandi í karamellu með smákökubita botni og þrenns konar súkkulaði, tilvalið í veislurnar.

„S‘mores brownies“

Um er að ræða útfærslu af S’mores brúnku sem ég bætti nýja uppáhalds namminu mínu við og útkoman varð algjör sprengja!

Súkkulaði- og kókoskaka án hveitis

Æðisleg kaka með kókos og súkkulaði.