Kjúklinga og spínatlasagna

  

nóvember 12, 2015

Skemmtileg útgáfa af lasagna með kjúklingi og spínati.

Hráefni

500 g kjúklingabringur, t.d. frá Rose Poultry (fæst sem frystivara í flestum matvöruverslunum)

Olía

1 msk karrý

2 laukar, saxaðir smátt

3 dl rjómi

2 dósir Hunts saxaðir tómatar

3 msk tómatsósa

1 tsk – 3 tsk chilíduft

1 msk kóríanderkrydd

1 tsk cumin (ath. ekki kúmen)

salt, pipar

12 stk lasagnaplötur

450 g spínat

200 g rifinn ostur

Leiðbeiningar

1Skerið kjúklinginn í strimla og steikið á pönnu ásamt olíu og karrý. Takið til hliðar.

2Setjið olíu á pönnu og steikið laukinn. Bætið síðan rjóma, tómötunum, tómatsósu, chilí (byrjið á 1 tsk og bætið síðan frekar við eftir hversu mikill styrkleikinn á að vera), kóríander og cumin. Látið sósuna malla í 10 mínútur og smakkið hana til með salti og pipar.

3Smyrjið eldfast mót með olíu. Setjið þunnt lag af sósu í botninn og leggjið lasagnaplötur yfir. Setjið því næst sósu, spínat, kjúklingastrimlar og ost. Endurstakið þetta þrisvar sinnum eða eins og fatið leyfir. Endið á að láta sósu og ost.

4Bakið í 180°c heitum ofni í um 40 mínútur. Mér finnst gott að láta álpappír yfir svona ofnrétti og taka hann af í blálokin á eldurtímanum.

Uppskrift frá GulurRauðurGrænn&Salt.

00:00

Aðrar spennandi uppskriftir

Kjúklingur í hunangs- og sinnepsmarineringu

Bragðgóður einfaldur kjúklingaréttur með hunangs- og sinnepsmarineringu.

Kjúklinganaggar sem krakkarnir elska

Stökkir kjúklinganaggar.

Tikka Masala fiðrilda kjúklingur

Þvílíki lúxusinn sem það er að geta gripið í tilbúnar sósur og kryddmauk og henda í gúrm indverskan sem eldar sig eiginlega bara sjálfur!