Indverskar vefjur með tófú og chutney

    

maí 21, 2021

Alveg trufluð indversk vefja með tófú og chutney!

Hráefni

125 gr stökk salatblöð (eins og td íssalat frá lambhaga)

1 pakka Mission vefjur með grillrönd

2 pakka tófú, ég nota Singh Tahoe tófú (450gr/stk)

3 msk soja sósa

1-2 msk sesamolía

2 msk Pataks´s Tikka Masala Paste

4 gulrætur

1/4 lítill rauðkálshaus

1/2 rauðlaukur

2 dl Oatly hrein hafragúrt

1/2 sítróna

2 hvítlauksrif (1/4-1/2 geiralaus hvítlaukur)

1/4 tsk jurtasalt

Patak´s Mango Chutney

Kóríander

Leiðbeiningar

1Byrjið á að taka tófúið úr pakkningunni og skola það. Vefjið svo eldhúsbréfi þétt utan um tófúið og þerrið það eins og hægt er. Því næst er tófúið skorið í strimla þar sem tófúið er skorið sirka 4 skurði í gegnum það endilangt, kubbnum svo velt á næstu hlið og skorið eins eftir endilöngu tófúinu og að lokum er kubburinn skorinn þvert á miðjan kubbinn.

2Blandið saman sesamolíu, tikka masala paste-i og sojasósu saman og veltið tófúinu uppúr. Mér finnst best að setja tófústrimlana og marineringuna saman í nestisbox með loki og hrista það saman. Leyfið tófúinu að draga í sig marieringuna í amk 15 mínútur.

3Dreifið tófústrimlunum á bökunarplötu með bökunarpappír og hitið í ofni á 200°C í 20 mínútur. Ágætt er að velta tófúinu við eftir 10 mínútur.

4Athugið að það má auðvitað pressa tófúið og marinera það í lengri tíma en það þarf ekki. Gætið þó að því að ef tófúið er pressað þá getur bökunartíminn verið styttri.

5Rífið niður gulræturnar og skerið rauðkálið og rauðlaukinn í strimla. Útbúið jógúrtsósuna með því að blanda saman jógúrtinni, safa úr hálfri sítrónu, salti og rifnum hvítlauk.

6Hitið tortillapönnukökur, eina í einu í stutta stund á þurri pönnu.

7Berið fram sem vefju smurða með mangó chutney og fyllt með íssalati, rifnu grænmeti, tikka masala tófústrimlum kórender og jógúrtsósu.

8Njótið!

Uppskrift eftir Hildi Ómars

00:00

Aðrar spennandi uppskriftir

Bökunarkartöflur sweet chili með Ritzkexi

Sælkerakartöflur fylltar af osti og Ritz kexi.

Grillað jalapeño og habanero

Sterkt, sætt, salt og einstaklega mjúkt, geggjað á grillið!

Kjúklingabaunir í basil kókossósu

Fullkominn kvöldmatur í miðri viku en hentar einnig frábærlega sem afgangur með í vinnuna.