Grilluð naan loka með tandoori kjúklingi og mango chutney sósu

  ,   

ágúst 27, 2020

Þessi grillaða naan loka er dásamlegt tvist á indverskri matargerð. Ótrúlega fljótleg og bragðast dásamlega.

Hráefni

2 Kjúklingabringur, eldaðar

3 kúfaðar msk Tandoori spice marinade frá Patak's

2 naan brauð með hvítlauk og kóríander frá Patak's

Rifinn mozzarella

1/2 þroskað avocado

Rauð paprika í sneiðum

Tómatur skorinn í sneiðar

ólívuolía

Sjávarsalt

Mango Chutney sósa

2 msk mango chutney frá Patak's

2 msk grísk jógúrt hrein

Blandið saman í skál og hrærið, einfaldara getur það ekki verið!

Leiðbeiningar

1Eldið bringurnar eða nýtið afganga. Rífið þær í sundur með 2 göfflum og hrærið Tandoori maríneringunni saman við.

2Takið eitt naan brauð og snúið krydd hliðinni niður. Dreifið osti eftir smekk yfir brauðið. Dreifið kjúklingnum yfir ostinn. Þetta er rúmlegt magn af kjúklingi, ég skildi smá eftir.

3Því næst raðið þið avocado, papriku og tómötum yfir og toppið með smá osti í lokin.

4Lokið samlokunni með hinu naan brauðinu og setjið í mínútugrill.

5Þegar samlokan hefur verið í grillinu í ca. 1-2 mín, opnið þið grillið og penslið samlokuna með ólífuolíu og stráið Maldon salti yfir.

6Grillið þar til osturinn er bráðinn.

Mango Chutney sósa

1Á meðan samlokan er í grillinu hrærum við í einföldustu og bestu sósuna. Passar fullkomlega með þessari samloku en reyndar einnig með flest öðru, fiski, kjúklingi, til að dýfa í...

Uppskrift frá Völlu hjá grgs.is

00:00

Aðrar spennandi uppskriftir

Kjúklingur í grænu karrý

Dásamlega bragðgóður og einfaldur réttur sem rífur aðeins í.

Quesadilla hringur

Fylltar tortillur með kjúkling, beikoni, tómötum, blaðlauk, salsasósu og nóg af osti. Tortillurnar mynda kramarhús og er þeim svo raðað upp í hring og bornar fram með avókadó sósu. Passar sérlega vel með ísköldum bjór eða drykk.

Kjúklingaspjót með sinnepsdressingu

Grilluð kjúklingaspjót með kaldri sósu.