Grillaðar vefjur með falafel og tyrkneskri shawarma sósu

  ,   

janúar 19, 2021

Það sem ég er spennt fyrir þessum rétti! Ótrúlega einfalt, ferskt og gott.

Hráefni

6 litlar Mission tortillur

agúrka í litlum bitum

avocado í sneiðum

iceberg saxað

tómatar saxaðir

12-18 falafel bollur, keyptar tilbúnar eða heimagerðar

1 bolli Tyrknesk jógúrt frá Oatly

1 msk ólífuolía

1 msk tahini

1 hvítlauksgeiri raspaður á rifjárni

1 tsk þurrkað dill

1/4 tsk himalaya salt

smá svartur pipar

Tabasco sriracha sósa eftir smekk

ferskt kóríander

Leiðbeiningar

1Byrjið á því að hita falafel bollur í ofni ef þær eru keyptar tilbúnar.

2Hitið grillpönnu vel og grillið tortillurnar á hvorri hlið og setjið til hliðar.

3Hrærið saman innihaldsefnum í sósuna, Oatly jógúrt, tahini, ólífuolíu, dilli, salti og pipar.

4Skerið grænmetið og setjið til hliðar.

5Þegar falafel bollurnar eru tilbúnar setjið þið saman tortillurnar, gott er að setja þær á bakka. Smyrja fyrst jógúrtsósunni, setja saxað iceberg, gúrku, tómata, avocado, falafel og toppa með sósum og kóríander.

Uppskrift frá GRGS.

00:00

Aðrar spennandi uppskriftir

Blómkáls taco með bbq sósu & hrásalati

Fljótleg, einföld og ljúffeng uppskrift að grænmetis taco. Taco með ofnbökuðu blómkáli í bbq sósu, spæsí hrásalati og avókadó. Skotheld og djúsí blanda!

Kalt pastasalat með rauðu pestó

Einfalt og gott grænmetis pasta.

Svartbaunaborgari með fetaosti og sriracha jógúrtsósu

Sælkeraborgari fyrir grænkera.