Vatnsdeigsbollur með OREO-fyllingu

  ,   

febrúar 18, 2020

Æðislegar bollur með OREO rjómafyllingu.

Hráefni

Vatnsdeigsbollur

Um 15 stykki

180 g smjör

360 ml vatn

200 g hveiti

1 tsk. lyftiduft

¼ tsk. salt

4 egg (160 g)

Glassúr

100 g brætt smjör

210 g flórsykur

3 msk. Cadbury bökunarkakó

3 tsk. vanilludropar

2 msk. kaffi (uppáhellt)

Oreo-fylling

500 ml þeyttur rjómi

8 msk. Oreo Crumbs + meira til skrauts

Leiðbeiningar

Vatnsdeigsbollur

1Hitið ofninn 180°C blástur.

2Hrærið hveiti, lyftidufti og salti saman í skál og geymið.

3Hitið saman vatn og smjör í potti þar til smjörið er bráðið og blandan vel heit og takið þá af hellunni.

4Hellið hveitiblöndunni saman við smjörblönduna og hrærið/vefjið saman við með sleif þar til allir kekkir eru horfnir og blandan losnar auðveldlega frá köntum pottsins.

5Flytjið blönduna yfir í hrærivélarskálina og hrærið á lægsta hraða með K-inu og leyfið hitanum þannig að rjúka aðeins úr blöndunni.

6Pískið eggin saman í skál og setjið þau saman við í litlum skömmtum og skafið niður á milli, gott er að vigta þau og nota ekki meira en 160 g af blöndunni þar sem egg eru svo misstór og ekki gott að blandan verði of þunn.

7Setjið bökunarpappír á ofnplötur og hver bolla má vera um 2 matskeiðar af deigi (ein vel kúpt matskeið).

8Bakið í 27-30 mínútur, bollurnar eiga að vera orðnar vel gylltar og botninn líka, ekki opna þó ofninn fyrr en í fyrsta lagi eftir 25 mínútur til að kíkja undir eina. Helstu mistök sem fólk gerir er að baka bollurnar ekki nógu lengi en þá gætu þær átt það til að falla. Ef þær falla þá má samt alveg fylla þær og borða, þær eru alveg jafn góðar, bara ekki eins fallegar.

Glassúr

1Allt sett saman í skál og hrært saman með písk/skeið þar til vel blandað.

2Best er að fylla bollurnar fyrst og setja svo væna teskeið af glassúr ofan á „lokið“ og dreifa aðeins úr og síðan skreyta áður en glassúrinn tekur sig. Því er gott að setja glassúr á 3-4 í einu , skreyta þær og halda síðan áfram.

Oreo-fylling

1Vefjið Oreo Crumbs varlega saman við rjómann og sprautið vel af rjóma á hverja bollu.

2Stráið Oreo Crumbs ofan á glassúrinn í lokinn og skreytið með smá brúðarslöri sé þess óskað.

Uppskrift frá Gotterí.

00:00

Aðrar spennandi uppskriftir