Súkkulaði bollakökur

  

júlí 13, 2020

Sælkerabollakökur sem allir geta gert.

  • Fyrir: 16-18 kökur

Hráefni

Bollakökur

140 g hveiti

70 g Cadbury bökunarkakó

1 tsk. matarsódi

1 tsk. lyftiduft

½ tsk. salt

4 egg

150 g sykur

150 g púðursykur

120 ml olía

3 tsk. vanilludropar

180 ml súrmjólk

Krem

260 g smjör við stofuhita

470 g flórsykur

60 g Cadbury bökunarkakó

50 ml rjómi

½ tsk. salt

2 tsk. vanilludropar

Leiðbeiningar

Bollakökur

1Hitið ofninn í 170°C og gerið bollakökuform tilbúin. Best finnst mér að setja pappaform ofan í álform til að lögunin haldi sér betur.

2Setjið hveiti, kakó, matarsóda, lyftiduft og salt saman í skál, blandið saman og leggið til hliðar.

3Hrærið öllum öðrum hráefnum saman í skál og blandið þurrefnunum saman við í nokkrum skömmtum og skafið niður á milli.

4Skiptið deiginu á milli bollakökuformanna, fyllið þau rétt rúmlega til hálfs og bakið í um 18-20 mínútur.

Krem

1Sigtið saman flórsykur og bökunarkakó og leggið til hliðar.

2Þeytið smjörið þar til það er létt og ljóst og bætið öðrum hráefnum saman við í nokkrum skömmtum, þurrefni og rjóma á víxl.

3Þegar silkimjúkt súkkulaðikrem hefur myndast má setja það í sprautupoka með stórum stjörnustút (til dæmis 1M frá Wilton) og sprauta vel af kremi á hverja köku.

4Fallegt er síðan að skreyta með kökuskrauti, sælgæti og brúðarslöri.

Uppskrift frá Gotterí.

00:00

Aðrar spennandi uppskriftir

Epla & bláberja crumble með kókos súkkulaði

Það er virkilega auðvelt að undirbúa bökuna og hægt að gera með góðum fyrirvara.

Litlar Toblerone Pavlovur

Pavlovurnar eru svo toppaðar með rjóma, brómberjum, bláberjum, ástríðu ávexti og söxuðu Toblerone.

Daim ostakaka

Daim ostakaka með LU kex botni.