Oreo-brúnka með karamellusósu og kartöflustráum

  ,

janúar 26, 2015

Blanda af söltu og sætu sem er algjört dúndur!

Hráefni

Brúnka

120g smjör

200g 56% súkkulaði

1/2 bolli sykur

1/2 bolli púðursykur

1 1/4 bolli hveiti

3 egg

1 msk Cadbury kakó

20 Oreo-kex

Karamellusósa

1 bolli sykur

1/2 bolli rjómi

6 msk smjör

1 tsk sjávarsalt

Ofan á

2 bollar kartöflustrá

Leiðbeiningar

Brúnka

1Hitið ofninn í 175°C og takið til kassalaga form, tuttugu sentímetra stórt. Þekið botninn með bökunarpappír og látið hann ná aðeins upp á hliðarnar svo auðveldara sé að fjarlægja kökuna úr forminu.

2Setjið smjör og súkkulaði í skál sem þolir örbylgjuofn og hitið í 45-55 sekúndur. Hrærið vel saman þar til allt súkkulaði er bráðið.

3Bætið sykur, púðursykri og hveiti saman við. Síðan eggjum, einu í einu, og vanilludropum. Síðast fer svo kakóið út í. Passið að hræra ekki of lengi - bara rétt svo þar til allt er búið að blandast saman.

4Hellið helmingnum af blöndunni í formið og raðið Oreo-kexkökum ofan á. Hellið síðan hinum helmingnum af deiginu ofan á. Bakið í 25-30 mínútur og leyfið kökunni að kólna.

Karamellusósa

1Hitið sykur á pönnu yfir meðalhita og hrærið stanslaust.

2Haldið áfram að hræra þar til sykurinn er búinn að bráðna og orðinn ljósbrúnn á litinn.

3Bætið þá smjörinu út í smátt og smátt. Þegar smjörið og sykurinn er búinn að blandast saman er rjómanum bætt hægt út í. Blandan mun sjóða. Leyfið henni að sjóða í 1 mínútu og takið hana síðan af hellunni.

4Bætið saltinu út í hrærið. Leyfið sósunni að kólna alveg áður en hún er sett á kökuna og stráið síðan kartöflustráum yfir.

Uppskrift frá Lilju Katrín á Blaka.

00:00

Aðrar spennandi uppskriftir

Marmarakaka með besta súkkulaði kreminu

Marmarakaka með besta súkkulaði kreminu er svo góð kaka, svolítið þétt og alls ekki of sæt.

Dumle karamellubitar

Mjúkir bakaðir karamellubitar.

Lífrænt fíkjunammi

Æðislega gott lífrænt fíkjunammi.