Grillaður kjúklingur með pestó og ólífumauki

  ,

nóvember 13, 2015

Kjúklingaréttur sem vekur lukku hjá öllum.

Hráefni

Toppurinn

1 fetakubbur (250 g)

1 dl hakkaðir sólþurrkaðir tómatar

1 dl grænar ólífur

1 dl svartar ólífur

Fyrir kjúklinginn

1 poki kjúklingabringur frá Rose Poultry (900 g)

PAM sprey

salt og pipar

Filippo Berio sun dried tomato pesto

hvítmygluostur, t.d. Auður, Ljúflingur, Kastali…

Köld sósa

100 g Philadelphia rjómaostur

3 tsk Filippo Berio Classic Pesto (grænt)

2 msk vatn

salt og pipar

Ristaðar furuhnetur með tamarin sósu

1 poki furuhnetur (ca 70 g)

1 msk Tamarin sósa

Leiðbeiningar

1Allt í toppnum sett í matvinnsluvél og unnið saman í grófan massa. Ef þið eigið ekki matvinnsluvél þá er hægt að nota töfrasprota eða hreinlega hakka allt vel saman með góðum hníf.

2Skolið kjúklingabringurnar og þerrið. Rífið álpappír í um það bil stærðinni 30 x 45 cm og spreyið með PAM. Athugið að í einn álpappírspakka fer ein kjúklingabringa, þannig að það er 1 pakki á mann. Leggið kjúklingabringuna í miðjan álpappírinn og saltið og piprið. Setjið 2 msk af pestói yfir bringuna og síðan 3 msk af ólífuhrærunni. Lokið nú álpappírnum með því að lyfta langhliðunum upp og brjóta tvöfalt brot niður (passið að hafa loft fyrir ofan matinn fyrir gufuna sem myndast). Lokið hliðunum eins, þ.e. með tvöföldu broti, og grillið á lokuðu grilli, við miðlungsháan hita, í 25 mínútur. Takið af grillinu, opnið pakkann að ofan og leggið nokkrar sneiðar af hvítmygluosti yfir. Lokið pakkanum aftur og látið standa í nokkrar mínútur á meðan osturinn bráðnar.

3Setjið allt í sósuna í matvinnsluvél (eða notið töfrasprota) og vinnið saman.

4Ristið furuhneturnar á þurri pönnu þar til þær eru gylltar á lit. Hellið þá tamarin sósunni yfir og ristið áfram þar til sósan hefur þornað á hnetunum (tekur enga stund, kannski 30 sek.).

Uppskrift frá Svövu á Ljúfmeti og lekkerheit.

00:00

Aðrar spennandi uppskriftir

Djúsí rjómapasta á grillinu

Rjómalagað pasta með grilluðum kjúkling.

Kjúklinga og grænmetis grillspjót

Kjúklingaspjót í sinneps-og hvítlauks kryddlegi, grænmetisspjót og dásamleg köld sinnepssósa með sætu sinnepi frá Heinz.

Grillaðar risarækjur í klístraðri hvítlauks hunangs sósu

Grillaðar risarækjur í klístraðri hvítlauks hunangs sósu sem þú átt eftir að elska!