Blandið saman nautahakki, ½ dl Hunts bbq grillsósu og salti og pipar.

Skiptið í 4 hluta og mótið kúlur. Fyllið kúlurnar með rifnum osti og mótið hamborgarana.

Gott er að leyfa hamborgurunum að standa í ísskáp í ca. 20 mín. Skerið sætu kartöfluna í 1 cm þykkar sneiðar og veltið upp úr basilolíunni.

Grillið sætu kartöfluna í ca. 20 mínútur og snúið reglulega. Afhýðið rauðlaukinn, skerið í 4 hluta, veltið upp úr basilolíu, stráið grófu salti yfir og pakkið í álpappír. Grillið rauðlaukinn í ca. 30 mín.

Grillið hamborgarana (4-6 mínútur eftir smekk) og penslið með bbq grillsósunni. Setjið rjómaostinn á hamborgarana í lokin.

Berið fram með tómötum og avókadó. Gróft salt eftir smekk.