BBQ kjúklingaborgari

júní 7, 2021

Grillaður og rifinn kjúklingur í Sweet BBQ sósu, hrásalat, tómatar, avókadó og hamborgarabrauð. Ég bar þetta fram með grilluðum maískólfum með parmesan osti, kartöflubátum. Þetta á allt svo vel saman!

  • Fyrir: 4

Hráefni

600 g úrbeinuð kjúklingalæri

3 msk Heinz BBQ Sweet sósa + 2 msk aukalega

2 hvítlauksrif, pressuð eða rifin

Salt og pipar

6 dl blaðsalat

6-7 dl hvítkál

6 msk Heinz majónes

1-2 msk Tabasco Sriracha sósa

1 stór buffalo tómatur

1-2 avókadó

4 hamborgarabrauð

Meðlæti

4 maískólfar

Smjör

Parmesan ostur

Cayenne pipar

Kartöflubátar

Leiðbeiningar

1Blandið 3 msk af BBQ sósu, hvítlauksrifjum, salti og pipar saman við kjúklinginn í skál. Gott að leyfa honum að marinerast í klst eða lengur.

2Grillið kjúklinginn þar til hann verður fulleldaður og lífið hann niður með tveimur göfflum.

3Skerið blaðsalat og hvítkál í ræmur og blandið saman við majónes og Tabasco Sriracha sósu. Mæli með að smakka sósuna til.

4Skerið tómata og avókadó í sneiðar.

5Grillið hamborgarabrauðin og dreifið hrásalatinu á botninn. Setjið kjúklinginn, tómatsneið, avókadó og lokið borgaranum.

Meðlæti

1Látið maískólfana liggja í bleyti (í vatni) í klst. Bakið í ofni í 20 mínútur við 190°C. Grillið í 10 mínútur.

2Dreifið smjöri, rifnum parmesan osti og cayenne pipar á maískólfana eftir smekk.

3Bakið kartöflubátana í ofni.

Uppskrift frá Hildi Rut á trendnet.is

00:00

Aðrar spennandi uppskriftir

Lambaspjót með trufflukremi

Sælkeralamb með sveppum og trufflukremi.

Grillað lambalæri

Grillað lambalæri er máltíð sem klikkar seint! Hér er á ferðinni einföld útgáfa af grilluðu lambalæri og grænmeti í álpappírsvasa með kaldri grillsósu. Máltíð sem hentar fullkomlega í ferðlagið jafnt sem heima við!

Þjóðhátíðardesertinn 2021

Mmmm þessi kaka var svoooo góð og fersk, það er líka mjög fljótlegt og einfalt að útbúa þessa dásemd!